Posted: 04/02/2013 01:13 PM IST

ఒలపింక్స్ లో బాక్సింగ్ లో భారత్ కి కాంస్య పతక విజేత విజేందర్ సింగ్ డ్రగ్స్ కేసులో ఇరుక్కున్న విషయం తెలిసిందే. పోయిన నెలల తన భార్యకు సంబంధించిన కారులో భారీగా డ్రగ్స్ దొరికాయి. దీంతో బాక్సర్ విజేందర్ కి ఇందులో హస్తం ఉందని పోలీసులు ఆ దిశగా విచారణ చేపట్టారు. అయితే విజేందర్ సింగ్ మాత్రం తనకు ఆ కేసుతో ఎలాంటి సంబంధం లేదని బుకాయిస్తూ వస్తున్నాడు. చివరికి పోలీసులు విజేందర్ సింగ్  కి డ్రగ్స్ ముఠాతో సంబంధాలు ఉన్నాయని తేల్చారు. దీంతో డోప్ టెస్టుకు రక్త, మూత్ర నమూనాలు ఇవ్వాలని ఆదేశించినా ఇన్ని రోజులు సరేమిరా అన్న ఆయన ఎట్టకేలకు దిగి వచ్చాడు.  క్రీడా మంత్రిత్వ శాఖ జోక్యంతో ఆయన డోప్ టెస్టుకు అంగీకరించాడు. తను హెరాయిన్ తీసుకున్నాడని పంజాబ్ పోలీసులు తేల్చిన నేపథ్యంలో అతనికి వెంటనే డోప్ టెస్టులు నిర్వహించాలని క్రీడా మంత్రిత్వ శాఖ.. నేషనల్ యాంటీ డోపింగ్ ఏజెన్సీ (నాడా)ను ఆదేశించింది. అయితే క్రీడా శాఖ ఆదేశాలు జారీచేసిన గంటల వ్యవధిలోనే విజేందర్ ఈ నిర్ణయం తీసుకున్నాడు. దీంతో విజేందర్ సింగ్ డ్రగ్స్ కేసులో ఇరుక్కుట్లేనని అంటున్నారు.