Posted: 03/23/2013 01:48 PM IST

భారత ఆటగాడు, క్రికెట్ దేవుడిగా పిలవబడే మాస్టర్ బ్లాస్టర్ సచిన్ టెండూల్కర్ కెరిరీ చివరి దశకు చేరుకుంది. నాలుగు పదుల వయస్సులో కూడా క్రికెట్ ఆడుతూ అందర్ని ఆశ్చర్యపరుస్తున్న సచిన్ ఇప్పటికే అంతర్జాతీయ వన్డేలకు గుడ్ బై చెప్పాడు. టెస్టు క్రికెట్లో కొనసాగుతున్న సచిన్ కి ఇది చివరి టెస్టు అనే వార్తలు వస్తున్నాయి. అంటే దీని తరువాత టెస్టు సిరీస్ ల్లో మాస్టర్ ఆడుతాడు కానీ... భారత్ గడ్డపై చివరి టెస్టు కావచ్చు. ఎందుకంటే మరో సంవత్సరం వరకు ఇండియాలో జరిగే టెస్టు సిరీస్ లు లేవు. వచ్చే సంవత్సరం వరకు సచిన్ క్రికెట్ లో కొనసాగుతాడో లేదో... కాబట్టి అతనికి ఇది చివరి టెస్టు కావచ్చని పలువురు అనడమే కాకుండా మాజీ క్రికెటర్ సునీల్ గరవాస్కర్ కూడా సచిన్ రిటైర్మెంట్ పై మాట్లాడుతూ... క్రికెట్ లో ఎప్పుడేం జరుగుతుందో ఎవరికీ తెలీదు. 2006 నుంచి సచిన్ రిటైర్మెంట్‌పై చ ర్చ కొనసాగుతూనే ఉంది. కానీ ఇప్పటికీ అతను నిలకడగా ఆడుతున్నాడు. అయితే అతనికి ఇక్కడ చివరి టెస్టా లేదా అన్న విషయం చెప్పలేనని అన్నాడు.