Posted: 03/16/2013 05:13 PM IST

భారత్ - ఆస్ట్రేలియా జట్ల మధ్య ఇక్కడ జరుగుతున్న మూడో టెస్ట్ మ్యాచ్లో తొలుత బ్యాటింగ్ చేసిన ఆస్ట్రేలియా 408 పరుగులకు ఆలౌట్ అయింది. రెండో రోజు 273 పరుగులు చేసి ఏడు వికెట్లు కోల్పోయిన ఆసీస్ మూడో రోజు తొలి సెషన్ లోనే మిగతా మూడు వికెట్లు కోల్పోయింది. ఆసిస్ ఆటగాళ్లు స్కార్ట్ 99 , స్మిత్ 92, కొవాస్ 86, వార్నర్ 71 అత్యధిక పరుగులు చేశారు. భారత బౌలర్లు జడేజా, ఇషాంత్‌కు చెరో మూడు వికెట్లు, ఓజా, అశ్విన్‌కు రెండేసి వికెట్లు దక్కాయి.

అనంతరం బ్యాటింగ్ ప్రారంభించిన భారత ఓపెనర్లు ఇద్దరూ కంగారులకు మెచ్చెమటలు పట్టించారు. మొదటి టెస్టు ఆడుతున్న శిఖర్ దావన్ బౌలర్ల పై విరుచుకు పడ్డాడు. అతను బ్యాటింగ్ చేసిన తీరు  వన్డే మ్యాచ్ ని తలపించింది. 85 బంతుల్లోనే 100 పరుగులు చేసి తొలి టెస్ట్లోనే దావన్ అత్యధిక పరుగులు చేసిన బ్యాట్స్మేన్గా రికార్డు సృష్టించాడు. దావన్ 168 బంతుల్లో ఒక సిక్స్ర్ర్, 33 పోర్లతో 185 పరుగులతో నాటౌట్ గా ఉన్నాడు. మరో ఓపెనర్ మురళీ విజయ్ కూడా 181 బంతుల్లో  రెండు సిక్స్ర్లు, 8 ఫోర్లతో  83 పరుగులతో క్రీజ్ లో ఉన్నాడు. వీరిద్దరు ఒకరికొకరు సహకారం అందించుకుంటూ స్కోర్ బోర్డును పరుగులు పెట్టారు. ఈ ఓపెనర్ల జంటను విడదీయడానికి ఆసీస్ బౌలర్లు వేసిన ఎత్తులు ఏమీ పనిచేయలేదు. మూడో రోజు ఆట ముగిసే సమయానికి భారత్ 283 పరుగుల వద్ద ఉంది.