Posted: 02/27/2013 03:22 PM IST

 తొలి టెస్టులో భారత్ కు  విజయాన్నందించిన డబుల్ సెంచరీని  తనకే అంకితమిచ్చుకున్నాడు  భారత కెప్టెన్  మహేంద్రసింగ్ ధోని.  ఈ  ఇన్నింగ్స్ ను ఎవరికి  అంకితమిస్తారని  మ్యాచ్  అనంతరం  విలేకరులు ప్రశ్నిస్తే .. దీన్ని నాకోసం  ఉంచుకుంటా  అంటూ  చమత్కరించాడతను.  టెస్టుల్లో  డబుల్ సెంచరీ  చేస్తానని  ఊహించలేదు. ఇదే  నా అత్యుత్తమ ఇన్నింగ్సా అంటే  చెప్పలేను.   చాలా భారీ  ఇన్నింగ్స్  లేమీ ఆడలేదు.  కాబట్టి  ఏదో ఒకటి  ఎంచుకోవడం  సులభమే. ఐతే 2007లో  లార్డ్స్  టెస్టులో  చేసిన 70 పరుగులు చాలా ప్రత్యేకమైనవి.  ఎన్ని పరుగులు చేశామన్నది  ముఖ్యం కాదు. ఇన్నింగ్స్  విలువ ముఖ్యం.  ఇన్నాళ్లుగా నేను చేస్తున్న  ఉత్తమమైన  పనేంటంటే.. వార్తలు చూడకపోవడం, పత్రికలు  చూడకపోవడం, అలాగని  నేను  పత్రికలు  చదవనని కాదు. కానీ క్రీడా పేజీతోనే  సమస్య.  దానికి మాత్రం  దూరంగా  ఉండాలని అంటున్నారు ధోని.  అయితే భారత్ భారీ  స్కోరు  చేసిందంటే..  అది 3,4, 5, స్థానాల్లో  బ్యాటింగ్ చేసినవారి ఘనత, సచిన్ సెంచరీ చేయలేదు,  పుజరా అర్థశతకం సాధించలేదు. కానీ నిర్ణయాత్మకంగా బ్యాటింగ్ చేశారు.  చెన్నైలో  ఉక్కపోత  ఆసీస్ బౌలర్లను  బాగా అలసిపోయేలా  చేసింది.  మొత్తంగా  బ్యాట్స్ మెన్ , బౌలర్లు సమష్టిగా  శ్రమించారు.  అశ్విన్  తిరిగి నిలకడ  సాధించడం  చాలా సంతోషాన్నిచ్చింది.  అయితే నేను క్రీజులోకి  వచ్చేసరికి   మ్యాచ్  సమతూకంతో ఉంది. ఉద్దేశపూర్వకంగా   భారీ షాట్లు  ఆడి,  నాకు  సమీపంలో ఉన్న అదనపు ఫీల్డర్  దూరంగా వెళ్లిపోయోలా చేశా. దీని వల్ల  ప్లెటెడ్  డెలివరీలను ఎదుర్కొనేటప్పుడు  క్యాచ్ లు లేచినా  ప్రమాదం  లేకపోయింది.  ఇంతకుముందు  ఏడో స్థానంలో  బ్యాటింగ్  చేసేవాణ్ని. ఇప్పుడు  ఆరుకు మారాను.  బ్యాటింగ్ లో జడేజా నిలదొక్కుకుని, ఆ స్థానాన్ని  అందుకునే వరకు నేను ఆరో స్థానంలోనే  ఆడతా.