Posted: 02/25/2013 08:39 PM IST

 భారత్-ఆస్ట్రేలియాల మధ్య ఇక్కడ చిదంబరం స్టేడియంలో జరుగుతున్న మొదటి టెస్ట్ నాల్గవ రోజైన ఆస్ట్రేలియా రెండో ఇన్నింగ్స్ ఆట ముగిసే సమయానికి 84 ఓవర్లలో తొమ్మిది వికెట్ల నష్టానికి 232 పరుగులు చేసింది. 40 పరుగుల ఆధిక్యంలో ఉంది. హెన్రిక్యూస్ ఒంటరిపోరాటం చేస్తూ 75 పరుగులతో నాటౌట్ గా నిలిచాడు. హెన్రిక్యూస్ కు తోడుగా 11వ ఆటగాడు లియన్ 8 పరుగులతో క్రీజులో ఉన్నాడు. ఆస్టేలియా జట్టులో హెన్నీక్యూస్ 75, కొవాన్ 32, క్లార్క్ 31 పరుగులు చేశారు. భారత బౌలర్లలో అశ్విన్ 5, భజ్జీ, జడేజా రెండేసి వికెట్లు పడగొట్టారు. ఈ మ్యాచ్ లో ఆస్ట్రేలియా జట్టు ఇన్నింగ్స్ ఓటమి ని తప్పించుకుని.. 40 పరుగుల ఆధిక్యాన్ని కూడగట్టుకుంది.  ఆస్ట్రేలియా తొలి ఇన్నింగ్స్‌ 380 పరుగులు చేసింది. భారత్ తొలి ఇన్నింగ్స్ 572. ఆస్ట్రేలియా రెండో ఇన్నింగ్స్‌లో తొమ్మిది వికెట్ల నష్టానికి 232 పరుగులు చేసింది.