Posted: 01/15/2013 08:40 PM IST

ఈ మధ్య పరాజయాల పాలై విమర్శలు ఎదుర్కొంటున్న ఇండియా జట్టు ఇంగ్లాండ్ తో కోచిలో జరిగిన రెండవ వన్డేలో భారత జట్టు భారీ స్కోరు తేడాతో ఘన విజయం సాధించింది. టాస్ గెలిచి బ్యాటింగ్ కి దిగిన భారత ఆటగాళ్లు నిర్ణీత 50 ఓవర్లలో 285 పరుగులు చేశారు. ధోని 72, జడేజా 61, రైనా 55, కోహ్లీ 37, యువరాజ్ 32 పరుగులతో రాణించారు. ముఖ్యంగా ధోని, జడేజాలు 100కు పైగా భాగస్వామ్యం నెలకొల్పి జట్టుకు మంచి స్కోరును అందించారు. ఇక 286 పరుగుల విజయలక్ష్యంతో బ్యాటింగ్ దిగిన ఇంగ్లాండ్ ఆటగాళ్లను భారత బౌలర్లు షమీ, భువనేశ్వర్ కుమార్. జడేజా, అశ్విన్ లు కట్టడి చేశారు. దాంతో ఇంగ్లాండ్ జట్టు ఒత్తిడికి లోనై వెంట వెంటనే వికెట్లను కోల్పోయింది. ఇంగ్లాండ్ జట్టు 36 ఓవర్లలోనే 158 పరుగులకు కుప్పకూలింది. దాంతో భారత్ కు 127 పరుగుల తేడాతో భారీ విజయం దక్కింది. మొదట్లోనే బౌలర్లు ఇంగ్లాండ్ బ్యాట్స్ మెన్ ని కట్టడి చేశారు. భువనేశ్వర్, అశ్విన్ లు మూడేసి, జడేజాకు రెండు వికెట్లు, షమీకి ఒక వికెట్ లభించింది. ఇంగ్లాండ్ బౌలర్లలో ఫిన్, డెర్న్ బాచ్ రెండేసి వికెట్లు, వోక్స్, ట్రెడ్ వెల్ చెరో వికెట్ పడగొట్టారు. చాలా రోజుల తరువాత భారత జట్టు సమష్టిగా రాణించి విజయం సాధించింది. దీంతో మూడు వన్డేల సిరీస్ లో భాగంగా, 1-1 తో సమం చేసింది.