Posted: 12/15/2012 05:59 PM IST

భారత్ - ఇంగ్లాండ్ మధ్య జరుగుతున్న టెస్ట్ సిరీస్ లో చివరి టెస్టులో ఖచ్చితంగా గెలిస్తేనే... సిరీస్ సమమం అవుతుంది. అలాంటి మ్యాచ్ లో భారత ఆటగాళ్ళు తడబడుతూ.... కిందా మీద పడి దాదాపు 300 పరుగుల వరకు చేరుకున్నారు. మూడో రోజు 84 పరుగుల ఓవర్ నైట్ స్కోర్‌తో ఆట ప్రారంభించిన టీంఇండియా బ్యాట్స్ మెన్స్ కోహ్లీ - ధోని లు నిలకడగా రాణించడంతో ఈ మాత్రం స్కోరు చేయగలిగింది. నిన్న వెంటవెంటనే వికెట్లు తీసిన ఇంగ్లాండ్ బౌలర్లకు ఇవాళ వీరిద్దరు ఒక దశలో వారి సహనానికి పరీక్ష పెట్టారు. వీరిద్దరి భాగ స్వామ్యం విడదీయటానికి అష్టకష్టాలు పడ్డారు. విరాట్ కోహ్లి 289 బంతుల్లో 11 ఫోర్లతో సెంచరీ చేశారు. కెప్టెన్ ధోని ఈ ఇన్నింగ్స్ లో బాధ్యతను భుజాల పై వేసుకున్నాడు. కష్టాల్లో పడిన జట్టును కెప్టెన్ ధోనీ-కోహ్లీలు అదుకున్నారు. ఒకే ఒక్క పరుగు తేడాతో కెప్టెన్ ధోనీ సెంచరీ మిస్పయ్యారు. 99 పరుగుల వద్ద రన్ఔటయ్యారు. మూడో రోజు ఆట ముగిసే సమయానికి భారత్ 130.1 ఓవర్లలో ఎనిమిది వికెట్ల నష్టానికి 297 పరుగులు చేసింది. మరి రేపు మిగతా పరుగులు పూర్తి చేసి, రెండో ఇన్నింగ్స్ లో వారిని తొందరగా అవుట్ చేస్తేనే భారత్ కి విజయావకాశాలు ఎక్కువగా ఉన్నాయి.