Posted: 12/14/2012 06:24 PM IST

మనవాళ్ళ ఆట ఏంటో మరోసారి తేలిపోయింది. ఎంతో ప్రతిష్టాత్మకంగా తీసుకోవాల్సిన నాగ్ పూర్ టెస్టులో బౌలింగ్ బాగానే చేశారు కానీ, బ్యాటింగ్ లో మళ్ళీ విఫలం అయి, పీకల్లోతు కష్టాల్లోకి పడిపోయారు. ఇంగ్లాండ్ తో జరుగుతున్న చివరి, నాలుగవ టెస్ట్ లో తొలి ఇన్నింగ్స్ లో భారత జట్టు కష్టాల్లో పడింది. ఓ దశలో 71 పరుగులకే 4 కీలక వికెట్లు కోల్పోయి ఇబ్బందుల్లో పడింది. సెహ్వగ్, సచిన్ లు మరోసారి అభిమానులను నిరాశపరిచారు. తొలి ఓవర్ లోనే పరుగులేమి చేయకుండానే సెహ్వగ్ అవుట్ కాగా, సచిన్ రెండు పరుగులు చేసి అండర్సన్ బౌలింగ్ లో అవుటై పెవిలియన్ చేరాడు. ప్రస్తుతం కోహ్లీ 10, కెప్టెన్ ధోని 7 పరుగులతో క్రీజులో ఉన్నారు. అండర్సన్ రాణించి గంభీర్, సెహ్వగ్, సచిన్ లను అవుట్ చేశాడు. స్వాన్ కు పుజారా వికెట్ దక్కింది. ఇక తొలి ఇన్నింగ్స్ లో ఇంగ్లాండ్ 330 పరుగులకు ఆలౌట్ అయింది. మనవాళ్ళు కనుక రేపు క్రీజ్ లో నిలబడక పోతే.... ఈ టెస్టు కూడా ఇంగ్లాండ్ వశమే అవుతుందని అంటున్నారు విశ్లేషకులు.