Posted: 11/27/2012 07:12 PM IST

మాస్టర్ బ్లాస్టర్ సచిన్ టెండూల్కర్ పై మళ్ళీ విమర్శలు గుప్పించే వారు ఎక్కువయ్యారు. దీనికి కారణం ప్రస్తుతం అతను ప్రదర్శిస్తున్న ఆటతీరు. సచిన్ టెండూల్కర్ ఇంగ్లాండ్ సిరీస్ లో అదరగొడతాడని అందరు భావించారు. కానీ ఇప్పటి వరకు ఆడిన మ్యాచ్ లలో ఏ మాత్రం రాణించలేక పోయాడు. ఇక ఈ ఏడాది మొత్తంగా అతని ప్రదర్శన కూడా పేవలంగా ఉంది. ఈ యేడాది ఇప్పటి వరకు మొత్తం 153 పరుగులు మాత్రమే చేశాడు. ఈ యేడాదితో అత్యధిక వ్యక్తిగత స్కోరు 80 పరుగులు. ఆస్ట్రేలియాతో సిడ్నీలో జరిగిన టెస్ట్ మ్యాచ్‌లో ఈ పరుగులు సాధించాడు. ఆ తర్వాత గత పది టెస్ట్ ఇన్నింగ్స్‌లలో అతని బ్యాటింగ్ సగటు 15.3 శాతం. అలాగే, టెస్టుల్లో సచిన్ చివరి సారి దక్షిణాఫ్రికాతో జరిగిన టెస్ట్ మ్యాచ్‌లో సెంచరీ సాధించాడు. ఈ మ్యాచ్ 2011 జనవరి నెలలో జరిగింది. ఈ నేపథ్యంలో.. సచిన్ టెస్ట్ క్రికెట్‌ నుంచి తప్పుకోవాలన్న డిమాండ్లు ఎక్కువగా వస్తున్నాయి. మరి వీటన్నించికి బ్యాట్ తో సమాధానం చెబుతాడో లేక నోటితో సమాధానం చెబుతాడో చూడాలి.