Posted: 11/26/2012 11:53 AM IST

ఏరికోరి తయారు చేయించుకున్న ‘స్పిన్ అనుకూల’ పిచ్ టీమిండియా మెడకు ఉరితాడైంది. ఇంగ్లాండ్ స్పిన్నర్లు మాంటీ పనేసర్, గ్రేమ్ స్వాన్‌లను ఎదుర్కోవడంలో విఫలమైన భారత బ్యాట్స్‌ మెన్ ఒకరి తర్వాత ఒకరుగా పెవిలియన్‌కు క్యూ కట్టడంతో  ప్రతీకార సిరీస్‌లో సీన్‌ రివర్స్‌ అయింది. ఫలితంగా భారత క్రికెట్ జట్టు ఇంగ్లండ్ చేతిలో చిత్తయింది. తొలినుంచి అనుసరించిన  టీమిండియా స్పిన్‌ పిచ్‌ వ్యూహం బెడసికొట్టటంతో ముంబైలో జరుగుతున్న రెండో టెస్ట్‌ లో ఇంగ్లండ్ పది వికెట్ల తేడాతో ఘన విజయం సాధించింది.
         దీంతో నాలుగు టెస్ట్‌ ల సిరీస్‌ ప్రస్తుతం 1-1తో సమమైంది. ఇంగ్లండ్‌ స్పిన్‌ ధాటికి రెండో ఇన్నింగ్స్‌ లో భారత్ కుప్పకూలింది. 142 పరుగులకే చేతులెత్తేసి.. కేవలం 57 పరుగుల లక్ష్యాన్ని మాత్రమే ఇంగ్లండ్‌ ముందుంచింది. స్వల్ప టార్గెట్‌ను ఇంగ్లండ్‌ ఓపెనర్లు వికెట్‌ కోల్పోకుండానే చేదించి, రెండోటెస్ట్ ను కైవసం చేసుకున్నారు. దీంతో టెస్ట్ సీరిస్ కొత్త మలుపు తీసుకుని రసవత్తరమైంది.

...avnk