Posted: 11/16/2012 01:32 PM IST

ఇంగ్లండ్‌తో అహ్మదాబాద్‌లో జరుగుతున్న తొలి టెస్టులో భారత బ్యాట్స్‌మెన్లు విజృంభిస్తున్నారు. తొలి రోజు ఆటలో వీరేంద్ర సెహ్వాగ్ శతకం సాధించగా, రెండో రోజు ఆటలో పూజారా డబుల్ సెంచరీ దిశగా బ్యాటింగ్ చేస్తున్నారు.తొలి టెస్టు రెండో రోజైన శుక్రవారం ఇంగ్లీష్ బౌలర్లను ఆటాడుకుంటున్న పూజారా 299 బంతుల్లో 18 బౌండరీలతో 150 పరుగులు సాధించాడు. బ్రెస్నన్ విసిరిన బంతిని అద్భుతంగా ఎదుర్కొన్న పూజారా 150వ పరుగును సాధించాడు. అయితే సెంచరీ సాధిస్తాడనుకున్న యువరాజ్ సింగ్ మాత్రం శతకాన్ని చేజార్చుకున్నాడు. రెండో రోజు లంచ్ విరామానికి అనంతరం యువరాజ్ సింగ్ 74 పరుగుల్లో అవుట్ అయ్యాడు. సమీత్ పటేల్ విసిరిన బంతికి యువీ పెవిలియన్ దారి పట్టాడు. అలాగే యువీ స్థానంలో బరిలోకి దిగిన కెప్టెన్ మహేంద్ర సింగ్ ధోనీ ఐదు పరుగులకే స్వాన్ బంతికి అవుట్ అయ్యాడు.భారత్ - ఇంగ్లాండ్ మధ్య అహ్మదాబాదులో జరుగుతున్న తొలి టెస్టు మ్యాచ్‌లో ఛటేశ్వర్ పుజారా డబుల్ సెంచరీ చేశాడు. శుక్రవారం ఉదయం 98 పరుగులతో క్రీజులోకి దిగిన పుజారా ధాటిగా ఆడుతూ సెంచరీ, ఆ తర్వాత డబుల్ సెంచరీ పూర్తి చేసుకున్నాడు. పూజారా డబుల్ సెంచరీతో ఆయన భార్య ఎగిరి గంతేసింది. ఈ డబుల్ స్వీట్ గిఫ్ట్ అంటూ ఆమె ఫిదా అయిపోయింది. ఇక భారత్ తన తొలి ఇన్నింగ్స్‌ను 521 పరుగుల వద్ద డిక్లేర్ చేసింది. ఎనిమిది వికెట్లు కోల్పోయి భారత్ ఆ స్కోరు సాధించింది.