Posted: 11/15/2012 02:53 PM IST

భారత్ ఇంగ్లాండ్ మధ్య టెస్టు అహ్మదాబాద్ లోని మొతేరా స్టేడియంలో సమరానికి తెర లేచింది. గతంలో ఇంగ్లాండ్ పై ఓడిన భారత్ ఎలాగైనా ప్రతీకారం తీర్చుకోవాలని భావిస్తుంది. తొలిటెస్టులో భాగంగా టాస్ గెలిచి బ్యాటింగ్ ఎంచుకున్న భారత్ నిలకడగా ఆడుతోంది. ఓపెనర్లు గంభీర్, సెహ్వాగ్ మంచి శుభారంభాన్ని ఇచ్చారు. లంచ్ విరామానికి 28 ఓవర్లలో ఒక్క వికెట్ నష్ట పోకుండా 120 పరుగులు చేసింది. సెహ్వాగ్ ఇంగ్లాండ్ బౌలర్ల పై విరుచుకుపడి 117 బంతుల్లో 117 పరుగులు చేసి ఔటయ్యాడు. గంభీర్ 111 బంతులు ఆడి 45 పరుగులు చేసి ఔటయ్యాడు. టెస్ట్ బ్యాట్ మెన్ గా పేరొందిన చటేశ్వర పూజారా  క్రీజ్ లో ఉన్నాడు. మాస్టర్ బ్లాస్టర్ సచిన్ టెండూల్కర్ 18 బంతులు 13 పరుగులు చేసి ఔటయ్యాడు. మాస్టర్ మరోసారి అభిమానులను నిరాశ పరిచాడు. కడపటి వార్తలు అందేసరికి కోహ్లీ (0), పూజారాలు 115 బంతుల్లో (71) పరుగులతో క్రీజ్ లో ఉన్నాడు.