Posted: 10/31/2012 04:43 PM IST

ఇండియన్ ప్రీమియర్ లీగ్ (ఐపిఎల్)కు కొత్త స్పాన్సర్‌ను ఎంపిక చేసే పనిలో పడింది భారత క్రికెట్ కంట్రోల్ బోర్డు (బిసిసిఐ). ఐదు సంవత్సరాలు ఈ టోర్నమెంట్‌కు ప్రధాన స్పాన్సర్‌గా వ్యవహరించిన డిఎల్‌ఎఫ్ కాంట్రాక్టు కాలం పూర్తయింది. దీనితో కొత్త స్పాన్సర్ అవసరం ఏర్పడింది. దీనితో కొత్త స్పాన్సర్ కావాలంటూ టెండర్లను ఆహ్వానించింది. ఎక్కువ మొత్తాన్ని బిడ్ చేసి, స్పాన్సర్‌షిప్‌ను సంపాదించుకునే సంస్థలతో తమ ఒప్పందం 2013 నుంచి 2017 వరకూ, ఐదేళ్లు కొనసాగుతుందని వివరించింది. బిడ్‌ను సంపాదించిన తర్వాత హక్కులను ఇతరులకు అమ్మడం చెల్లదని స్పష్టం చేసింది. అలాంటి సంస్థలకు బిడ్‌లో పాల్గొనే హక్కు ఉండదని పేర్కొంది. నవంబర్ 21వ తేదీలోగా దరఖాస్తులు పొందవచ్చని తెలిపింది.