Posted: 07/17/2012 12:00 PM IST

భారత్-పాక్ క్రికెట్ సిరీస్ అంటేనే ఇరు దేశాల్లో సర్వత్రా ఆసక్తి. ఒకటే ఉత్కంఠ. ప్రతిష్టాత్మక ఒలింపిక్స్‌లోనూ ఇలాంటి ఆసక్తికర పోరాటాలకు కొదవలేదు. వేలాదిమంది క్రీడాకారులు బరిలో ఉన్నా అందరి దృష్టినీ ఆకర్షించేది మాత్రం కొందరే. అలాంటిది ఈ స్టార్ లే తలపడితే అభిమానులకు కనువిందే. హోరాహోరీ పోరును తప్పక చూసి తరించాల్సిందే. ట్రాక్‌పై చిరుతల్ని తలపించే జమైకా స్ప్రింటర్లు బోల్ట్, బ్లేక్.. సొరచేపల్లా దూసుకెళ్లే అమెరికా స్విమ్మర్లు ఫెల్ప్స్, రియాన్ లోషెట్.. మధ్య రసవత్తర పోరాటం అనిర్వచనీయం. ఇక టెన్నిస్ దిగ్గజాలు ఫెడరర్, నడాల్.. స్టార్ షట్లర్లు సైనా, వాంగ్ యిహాన్ లేదా వాంగ్ జిన్ మధ్య టైటిల్ పోరుకు తెరలేస్తే మహా సంగ్రామాన్ని తలపించకమానదు! లండన్ గేమ్స్‌లో ఇలాంటి ఉత్కంఠ పోటీలను చూసేందుకు సిద్ధంగా ఉండండి..! లండన్‌లో ఆవిష్కృతమయ్యే, అవకాశమున్న టాప్-5 పోరాట దృశ్యాల గురించి తెలుసుకుందాం..