ఎనమిది వారాల గరిష్టస్థాయికి మార్కెట్లు.. 8200 మార్కును దాటిన నిఫ్టీ

Posted: 10/16/2015 06:14 PM IST

Markets end at 8 week high nifty reclaims 8200

వారాంతంలో మార్కెట్లు లాభాలతో ముగిసాయి. వరుసగా మూడు రోజుల పాటు మూటగట్టుకున్న నష్టాలను నిన్నటి లాభాలతో స్వస్తి పలికిన మార్కెట్లు ఇవాళ వరుసగా రెండో రోజు భారీ లాభాలను ఆర్జించాయి. దీంతో ఎనిమిది వారాల గరిష్టస్థాయిలో మార్కెట్లు పయనించాయి. విదేశీ మారెట్ల నుంచి వచ్చిన సానుకూల పవనాలకు తోడు నిత్యావసరాల సరుకుల ధరాఘాత సూచికలో ధరాఘాతం తగ్గుముఖం పట్టడంతో పాటు, రెపో రేటు 50 డిసెమిల్స్ మేర అర్బీఐ తగ్గించిన నేపథ్యంలో మదుపరులు సెంటిమెంట్ బలంగా కోనసాగడంతో మార్కెట్లు లాభాలలో పయనించాయి.

గత కొన్ని రోజులుగా 27 మార్కు వద్ద ఊగిసలాడుతున్న సెన్సెక్.. క్రితం రోజు లాభాలతో ఆ మార్కును దాటగా, ఇవాళ ఉదయం నుంచి వచ్చిన లాభాలను అధిమిపట్టుకుని ఏకంగా 27 వేల 215 పాయింట్ల వద్దకు చేరింది. అటు నిఫ్టీ కూడా 8200 మార్కుకు మరోమారు దాటింది. ఉదయం ప్రారంభంతోనే మార్కెట్లను లాభాలు పలుకరించాయి. మార్కెట్ ముగిసే సమయానికి బీఎస్‌ఈ సెన్సెక్స్‌ 204 పాయింట్లు లాభాన్ని ఆర్జించి 27 వేల 215 పాయింట్ల వద్ద ట్రేడింగ్ ముగించగా, అటు నిఫ్టీ కూడా 59 పాయింట్లు లాభంతో 8,238 పాయింట్ల వద్ద ట్రేడింగ్ ముగించింది.

ఈ క్రమంలో కన్జూమర్ డ్యూరబుల్ గూడ్స్, మెటల్స్ సూచీలు మినహా అన్ని సూచీలు లాభాలను ఆర్జించాయి. ముఖ్యంగా ఆటో, బ్యాకింగ్, బ్యాంకింగ్ నిఫ్టీ, క్యాపిటల్ గూడ్స్, ఆయిల్ అండ్ గ్యాస్ సూచీలు భారీ లాభాలను ఆర్జించాయి. ఎఫ్ ఎం జీ సీ, హెల్త్ కేర్, పబ్లిక్ సెక్టార్ యూనిట్స్, టెక్నాలజీ, చిన్న పరిశ్రమలు,మద్య తరహా పరిశ్రమల సూచీలు కూడా స్వల్ప లాభాలను గడించాయి. కాగా మిగిలిన అన్ని సూచీలు స్వల్ప లాభాలను అర్జించాయి. ఈ నేపథ్యంలో లార్సెన్, ఎస్ బి హెచ్, బిపీసీఎల్, యస్ బ్యాంక్, మారుతి సుజుకీ తదితర సంస్థలు లాభాలను ఆర్జించగా, లుపిన్ అదాన పోర్ట్స్, ఐడియా సెల్యూలార్, బ్యాంక్ ఆప్ బరోడా, టాటా స్టీల్ తదితర సంస్థల షేర్లు అధిక నష్టాలను చవిచూశాయి.

జి.మనోహర్