లాభాల భాటలో స్టాక్ మార్కెట్లు

Posted: 09/18/2014 11:36 AM IST

విదేశీ మార్కెట్ల నుంచి వచ్చిన సానుకూల పవనాలతో స్టాక్ మార్కెట్లు లాభాలలో పయనిస్తున్నాయి. మదుపరులు కొనుగోళ్లకు ఆస్తక్తి కనబడర్చడంతో రెండో రోజు వరుసగా దేశీయ సూచీలు పరుగులు పెడుతున్నాయి. ఉదయం మార్కెట్ ప్రారంభం కాగానే నష్టాలను చవిచూసిన సెన్సెక్.. ఆ తరువాత క్రమంగా కోలుకుంది. మార్కెట్ ప్రారంభంలో 137పాయింట్ల నష్టంతో సెన్సెక్స్.. 26 వేల 512 పాయింట్ల వద్దకు చేరుకుంది. అక్కడి నుంచి క్రమంగా కోలుకున్న మార్కెట్.. మరో గంటలో 250 పాయింట్ల లాభంతో 26 వేల 879 పాయింట్ల వద్దకు చేరుకుంది.

వారారంభంలో రెండు రోజుల వరుస నష్టాలతో ఎనమిది వేల పాయింట్లకు దిగువన ట్రేడింగ్ సాగించిన నిఫ్టీ కూడా 62 పాయింట్ల లాభంతో ఎనమిది వేలకు మార్కుకు పైన ట్రేడింగ్ సాగిస్తోంది. ప్రస్తుతం నిఫ్టీ కూడా 8 వేల 37 పాయింట్ల వద్ద ట్రేడింగ్ సాగిస్తోంది. హీరో మోటార్ కార్పోరేషన్, సన్ ఫార్మసీ ఇండస్ట్రీస్, ఎస్బీఐ, సిప్లా, ఎల్ అండ్ టి సంస్థల షేర్లు అత్యున్నత లాభాలను ఆర్జించగా, ఇన్ఫోసిస్, హిందుస్థాన్ యూనీలీవర్, మహేంద్ర అండ్ మహేంద్రా సంస్థల షేర్లు నష్టాలను నమోదు చేసుకున్నాయి.