Posted: 02/16/2013 07:50 PM IST

బ్రెజిల్‌కి చెందిన శాప్ (సిస్టమ్ అనాలిసిస్ అండ్ ప్రోగ్రామింగ్) కన్సల్టింగ్ సంస్థ కాంప్లెక్స్ ఐటీలో దేశీ దిగ్గజం టెక్ మహీంద్రా అనుబంధ సంస్థ మహీంద్రా సత్యం 51% వాటాలు కొనుగోలు చేయనుంది. ఈ ఒప్పందం మొత్తం విలువ దాదాపు రూ. 124 కోట్లు (23 మిలియన్ డాలర్లు) మేర ఉండగలదని కంపెనీ పేర్కొంది. ముందస్తుగా సుమారు రూ. 35 కోట్లు (6.5 మిలియన్ డాలర్లు) నగదు రూపంలో చెల్లిస్తున్నట్లు వివరిం చింది. ఈ నెలాఖరు నాటికి డీల్ పూర్తి కావొచ్చని మహీంద్రా సత్యం పేర్కొంది. వచ్చే 18 నెలల్లో కాంప్లెక్స్ ఆదాయాలను బట్టి చెల్లించాల్సిన మొత్తం దాదాపు 23 మిలియన్ డాలర్ల దాకా ఉంటుందని టెక్ మహీంద్రా సీనియర్ వైస్ ప్రెసిడెంట్ మనోజ్ భట్ చెప్పారు. కంపెనీ స్థూల లాభానికి ఆరు రెట్లు చెల్లించేలా డీల్ స్వరూపం ఉంటుందని తెలిపారు. మహీంద్రా సత్యం, కాంప్లెక్స్ కలిసి.. భారీ స్థాయి తయారీ, ఆర్థిక, కన్సూమర్ సర్వీసెస్ కంపెనీలకు కావాల్సిన సొల్యూషన్స్ అందిస్తాయని భట్ వివరించారు.