లోకేష్ కు చంద్రబాబుకు హితబోధ..?!

Posted: 04/05/2016 05:33 PM IST

ఏపి సిఎం నారా చంద్రబాబు నాయుడు త్వరలోనే తన కొడుకు నారా లోకేష్ కు మంత్రిమండలిలో చోటు కల్పిస్తారని పుకార్లు షికార్లు చేస్తున్నాయి. అయితే చంద్రబాబు నాయుడుకు తాను ముఖ్యమంత్రిగా పదవీ స్వీకారం చేసినప్పుడే లోకేష్ ను మంత్రిని చేసే అవకాశం ఉన్నా కానీ ఎందుకు చెయ్యలేదు అని కొంత మంది అనుమానం. ఇప్పుడు ఎందుకు అకస్మాత్తుగా ఏపి కేబినెట్ లోకి లోకేష్ అనే దానికి ఆ పార్టీ సీనియర్లు చెబుతున్న మాటలు వింటే షాకవ్వాల్సిందే. టిటిడిపి ఫైర్ బ్రాండ్ రేవంత్ రెడ్డి సూచనతోనే లోకేష్ మంత్రిమండలిలో చోటు అనే అంశం ఊపందుకుందని తెలుస్తోంది.

ఏపి మంత్రివర్గంలో మంత్రుల కన్నా కూడా తన కొడుకు నారా లోకేష్ కు చోటు కల్పించడం ద్వారా డైరెక్ట్ గా పార్టీ మీద. ప్రభుత్వం మీద పట్టుసాధించవచ్చని చంద్రబాబు నాయుడు ప్లాన్. అందులొ భాగంగానే చంద్రబాబు నాయుడు ఈ స్టెప్ తీసుకుంటున్నారట. అయితే తెలంగాణ ముఖ్యమంత్రి కొడుకు కేటీఆర్ పాలనలో దూసుకెళుతున్నారని, అలాగే ఏపిలో లోకేష్ కు కూడా అలాంటి ఇమేజ్ రావాలని చంద్రబాబు నాయుడు ప్లాన్ వేస్తున్నారట. అయితే ఓ పక్క కేటీఆర్ ను ఉదాహరణగా తీసుకుంటూనే మరోపక్క రాహుల్ గాంధీని కూడా ఉదాహరణగా చూపిస్తున్నారట.

ఎలా ఉండాలి అనే దానికి కేటీఆర్ ను ఆదర్శంగా తీసుకోవాలని లోకేష్ కు నారా చంద్రబాబు నాయుడు సూచించారట. అలాగే చిన్న చిన్న తప్పులు మొత్తంగా వెరసి పెద్ద తప్పుగా, ఎన్నటికీ చెరిగిపోనిది మారుతుందని చెప్పడానికి రాహుల్ గాంధీని ఉదాహరణగా చెబుతున్నారట. దీపం ఉండగానే ఇల్లు చక్కదిద్దాలి అనే మాటను చంద్రబాబు నాయుడు బాగా పాలోఅవుతున్నట్లున్నారు. అందుకే తమ ప్రభుత్వం మంచి పొజీషన్ లో ఉన్నప్పుడే లోకేష్ కు ఏదో మంచి చెయ్యాలని చంద్రబాబు నాయుడు ప్లాన్ వేస్తున్నారట.

-Abhinavachary