బేరిపండులో వున్న అద్భుత ఆరోగ్య బెనిఫిట్స్

Posted: 03/11/2015 07:56 PM IST

ఇండియన్ యాపిల్ గా పిలువబడే బేరిపండులో ఎన్నోరకాల ఆరోగ్య ప్రయోజనాలు వుంటాయి. వీటిలో విటమిన్లు ఎ, బి, డి, ఈ లతోపాటు మినిరల్స్, పొటాషియం, ఫాస్పరస్, కాపర్ వంటి రసాయనాలు సమృద్ధిగా ఉన్నాయి. ఇవన్నీ ఆరోగ్యానికి చాలా మేలు చేస్తాయి. అంతేకాదు.. ఇందులో చిన్నమొత్తంలో ఐరన్ కూడా వుంటుంది. అలాగే ఈ పండు లోక్యాలరీస్ కలిగి, ఫైబర్ అధికంగా ఉండటం వల్ల ఆ సీజన్ లో ప్రతి రోజూ భోజనానికి ముందు తీసుకుంటే బరువును తగ్గించుకోవచ్చు. ఇంకా ఈ పండుతో కలిగే మరిన్ని ఆరోగ్య ఫలితాలేంటో తెలుసుకుందామా...

1. కొలెస్ట్రాల్ తగ్గిస్తుంది : బేరిపండ్లలో ‘పెక్టిన్’ అనే కంటెంట్ వుంటుంది. ఇది శరీరంలో కొలెస్ట్రాల్ వెవల్స్ ను తగ్గిస్తుంది.

2.  జ్వరం తగ్గిస్తుంది : జ్వరంతో బాధపడుతున్నవారు బేరికాయ జ్యూస్ తాగితే మంచిది. ఇది శరీరంను చాల త్వరగా చల్లబరిచి, జ్వరం నుంచి ఉపశమనం కలిగిస్తుంది.

3. కోలన్ శుభ్రం చేస్తుంది : ఇందులో ‘ఫైబర్’ కంటెంట్ అధికంగా వుంటుంది. అది జీర్ణక్రియను మెరుగుపరుస్తుంది. అలాగే కోలన్ ను శుభ్రం చేసి, జీర్ణక్రియను వేగవంతం చేస్తుంది.

4. క్యాన్సర్ నివారిస్తుంది : బేరిపండ్లలో కాపర్, విటమిన్ సి వుంటాయి. ఇవి శరీరంలో ఫ్రీరాడికల్స్ డ్యామేజ్ ను తొలగించడంలో తోడ్పడుతాయి. తద్వారా క్యాన్సర్ సెల్స్ నాశనమౌతాయి.

5. మలబద్దకం నివారిస్తుంది : బేరిపండ్ల జ్యూస్ రెగ్యులర్ గా తాగితే.. అది మలబద్దకం నివారించి, బౌల్ మూమెంట్ సులభతరం చేస్తుంది.

6. ఇన్ఫ్లమేషన్ (వాపు)తగ్గిస్తుంది : బేరిపండ్ల జ్యూస్ లో యాంటీ ఇన్ఫ్లమేటరీ లక్షణాలు పుష్కలంగా ఉండటం వల్ల ఇది దాని తక్షణ ప్రభావం చూపి, దాన్నుంచి ఉపశమనం కలిగిస్తుంది.

7. హైబిపి నివారిస్తుంది : బేరిపండ్లలోని ‘గ్లూటాథియోన్’ అనే కంటెంట్ యాంటీయాక్సిడెంట్ గా పనిచేస్తుంది. ఇది స్ట్రోక్, హైబిపిని నివారించడంలో చాలా పవర్ ఫుల్ గా పనిచేస్తుంది.

8. వ్యాధినిరోధక శక్తిని పెంచుతుంది : బేరిపండ్లలో వ్యాధినిరోధకత పెంచే లక్షణాలు, యాంటీఆక్సిడెంట్స్ పుష్కలంగా ఉన్నాయి . వీటిని రెగ్యులర్ గా తీసుకుంటే చిరుజబ్బులు వెంటనే నమయవుతాయి.