సీతాఫలంలోని గొప్ప ఆరోగ్య ఫలితాలు

Posted: 12/04/2014 04:49 PM IST

శరీరానికి కావాలసిన ఔషధగుణాలు సీతాఫలంలో పుష్కలంగా వుంటాయి. అన్నిటికంటే ముఖ్యమైన విషయం ఏమిటంటే.. మానవ శరీరానికి కేలరీలతోబాటు తగిన మోతాదులో మాంసకృత్తులను సైతం అందిస్తుంది. జీర్ణక్రియను వేగవంతం చేయడంలో తనదైన పాత్రను పోషిస్తుంది. రోగనిరోధక శక్తిని మెరుగుపరిచి, దీర్ఘకాలిక వ్యాధులను త్వరగా నశింపచేసే శక్తి ఈ ఫలానికి వుంది. ఇన్ని లక్షణాలు కలిగిన ఈ పండుతో కలిగే ఆరోగ్యప్రయోజనాలేంటో తెలుసుకుందాం...

1. బరువు పెంచుతుంది : లావు తక్కువగా వున్నవాళ్లు నిత్యం సీతాఫలాన్ని తీసుకుంటే అనతికాలంలోనే శరీర బరువు పెరుగుతుంది. కాబట్టి.. ఎవరైతే బరువు పెరగాలనుకుంటారో, అటువంటి వారు సీతాఫలం జ్యూస్’లో కాస్త తేనె, పాలు మిక్స్ చేసి రెగ్యులర్ గా తీసుకోవాలి.

2. గర్భధారణ సమయంలో : గర్భిణీ స్త్రీలు సీతాఫలం రెగ్యులర్’గా తీసుకుంటే.. పొట్టలో పెరిగే శిశువు మెదడు, నాడీవ్యవస్థ, వ్యాధినిరోధకత పెరుగుతుంది. మరో ముఖ్యమైన ప్రయోజనం గర్భస్రావాన్ని నివారిస్తుంది.

3. హార్ట్ అటాక్ : సీతాఫలంలో మెగ్నీషీయం ఖనిజం అధికంగా ఉంటుంది. ఇది కార్డియక్ అటాక్స్ నుండి రక్షిస్తుంది. గుండెసంబంధిత వ్యాధులను నివారించడంలో ప్రముఖపాత్ర వహిస్తుంది.

4. జీర్ణవ్యవస్థ : సీతాపండులో కాపర్, డైటర్ ఫైబర్ పుష్కలంగా వుంటాయి. ఇందులో కాపర్ వల్ల జీర్ణక్రియ మెరుగుపడుతుంది. అడిషన్ గా బౌల్ మూమెంట్ క్రమంగా ఉంటుంది. వలబద్దకాన్ని నివారిస్తుంది.

5. డయాబెటిస్ : ఇందులో డైటరీ ఫైబర్ పుష్కలంగా ఉంటుంది. షుగర్ షోషణను సీతాఫలం తగ్గిస్తుంది. దాని వల్ల టై2 డయాబెటిస్ తగ్గిస్తుంది.

6. బ్లడ్ ప్రెజర్ తగ్గిస్తుంది : సీతాఫలంలో పొటాషియం, మెగ్నీషియం అధికమోతాదులో ఉండటం వల్ల, ఈ రెండు బ్లడ్ ప్రెజర్ లెవల్స్’ను కంట్రోల్లో ఉంచుతాయి.

7. కళ్ళు ఆరోగ్యం : సీతాఫలంలో రెబోఫ్లెవిన్, విటమిన్ సి అధికంగా ఉన్నాయి. ఇవి కళ్ళు ఆరోగ్యానికి చాలా మంచివి. ఫ్రీరాడికల్స్ ను నివారించి మంచి కంటిచూపును అందిస్తాయి.