మామిడివల్ల కలిగే ఆరోగ్య ప్రయోజనాలు

Posted: 11/28/2014 02:49 PM IST

మామిడిపండు పళ్లకే రారాజు అంటారని ప్రతిఒక్కరికి తెలిసిందే! ఇది తినడానికి ఎంత రుచికరంగా వుంటుందో.. అదేవిధంగా ఆరోగ్యానికి అంతే మంచిది. మానవ శరీరానికి అవసరమయ్యే పోషక విలువలు ఇందులో బ్రహ్మాండంగా వుంటాయి. ముఖ్యంగా పురుషులు దీనిని ప్రతిరోజూ తీసుకుంటే ఆరోగ్యానికి ఎంతో మంచిది. శరీరంలో వ్యాధినిరోధకశక్తిని పెంచి, చిన్నచిన్న జబ్బుల నుంచి దూరంగా వుంచుతుంది... అనవసరమైన క్యాలరీలను తొలగించేసి శరీర బరువును అదుపులో వుంచుతుంది. ఇంకా రకరకాల ఆరోగ్యప్రయోజనాలు కలుగుతాయి. అవేమిటో తెలుసుకుందాం...

1. మామిడిపండులో శరీరానికి అవసరమయ్యే జింక్, పొటాషియం, సెలీనియం వంటి ఖనిజాలు అధిక మోతాదులో వుంటాయి. ఇవి శరీర అభివృద్ధికి ఎంతగానో తోడ్పడుతాయి.

2. నిజానికి మామిడిపండు తీసుకుంటే శరీరంలో వేడిశాతం పెరుగుతుంది. దీంతో జీర్ణక్రియ మెరుగుపడుతుంది. అలాగే నడుముచుట్టూ వుండే కొవ్వును తగ్గిస్తుంది. ఇంకా ఇందులో జీవక్రియను పెంచు ఫైబర్ అధికంగా వుంటుంది.

3. మామిడిలో యాంటీ ఆక్సిడెంట్లు ఎక్కువ మోతాదులో లభ్యమవుతాయి. ఇవి ప్రోస్టేట్ క్యాన్సర్ నుంచి లుకేమియా వరకు అనేక రకాల క్యాన్సర్ లను తగ్గించడంలో ప్రముఖపాత్ర పోషిస్తాయి. అంతేకాక.. శరీరంలో కొలెస్టిరాల్’ను తగ్గించి.. గుండెసంబంధిత వ్యాధుల నుంచి దూరంగా వుంచుతుంది.

4. అప్పుడప్పుడు కొంతమందికి అజీర్ణం సమస్య వస్తుంటుంది. అప్పుడు అది ఆమ్లత్వానికి దారితీస్తుంది. అటువంటి సమయంలో మామిడిపళ్లను తీసుకుంటే.. అందులోని మాలిక్ యాసిడ్, సిట్రిక్ యాసిడ్ లు శరీరంలోని ఆల్కలీన్ స్థాయిల సమతౌల్యం కోసం సహాయపడుతాయి.

5. మామిడిలో ఇంకొక గుణం కూడా వుంది. ముఖ్యంగా పురుషులు మామిడికాయను రెగ్యులర్ గా తీసుకుంటే.. అందులో వుండే విటమిన్-ఈ సెక్స్ డ్రైవ్ ను పెంచుతుంది. ఇది పురుషుల్లోని విర్లిటిని పెంచుతుంది. ఇటువంటి లక్షణాలను కలిగి వుండటం వల్ల మామిడిని ‘లవ్ ఫ్రూట్’ అని కూడా అంటారు.