ప్రస్తుతకాలంలో అమ్మాయిలు తను చేసుకునే భాగస్వామి అందంగా వుండాలి... బాగా డబ్బులు సంపాదించాలి... నలుగరిలో గొప్పవాడై వుండాలి... అనే విషయాలను మాత్రమే పరిశీలిస్తున్నారు. వారు ఎటువంటివారు..? ఏం చేస్తుంటారు..? వారి మనస్తత్వం ఎటువంటిది..? అన్న విషయాల గురించి అస్సలు పట్టించుకోరు. ప్రేమవ్యవహారాల్లో కూడా యువతీయువకులు ఇటువంటి తప్పలే చేస్తుంటారు. అందుకే వివాహమయిన కొన్ని రోజులకే విడాకులు తీసుకుని విడిపోతున్నారు.
పెళ్లి అనేది నలుగురికోసం చేసుకోవడం కాదు... చేసుకోబోయే భాగస్వామితో జీవితాంతం సుఖంగా గడపగలమా..? లేదా..? అన్న విషయాల గురించి తప్పకుండా అవగాహన వుండాలి. పరస్పరం మనసులోని భావాలను ఒకరినొకరు అర్థం చేసుకుంటూ.. సమస్యలను అధిగమించుకుంటూ.. సుఖంగా గడపాలి. అప్పుడు దాంపత్య జీవితానికి ఒక సార్థకం వుంటుంది.
తమ భాగస్వామి విషయంలో అమ్మాయిలు ఎటువంటి తొందరపాటు నిర్ణయాలు తీసుకోకూడదు. లేకపోతే జీవితాంతం బాధపడాల్సి వస్తుంది. కాబట్టి పెళ్లి చేసుకునేముందు అమ్మాయిలు తమ భాగస్వామిలో మంచి లక్షణాలను గమనించినట్లయితే.. వారు జీవితాంతం తోడుగా వుంటూ, మిమ్మల్ని సంతోషంగా వుంచుతారు.
అటువంటి లక్షణాలలో కొన్ని...
1. మనస్ఫూర్తిగా మిమ్మల్ని అంగీకరించడం... భాగస్వామిలో వుండాల్సిన ముఖ్య లక్షణం ఇదే. అంటే.. మీలో వున్న ప్రవర్తనలను, హావాభావాలను, కోరికలను ఎటువంటి తడబాటు లేకుండా అన్ని కోణాలను ఇష్టపడటం. మీరు చేసే ప్రతిఒక్క పనిని మీ భాగస్వామి ఇష్టపడగలగాలి. మిమ్మల్ని మార్చుకోమని ఆదేశించనివారే మీకు జీవితాంతం సంతోషంగా చూసుకోగలగుతారు.
2. మనసులో వున్న ప్రేమను వ్యక్తపరచడం... మీ భాగస్వామి మిమ్మల్ని అమితంగా ప్రేమించినట్లయితే.. అతను సమయం, సందర్భం లేకుండా తన మనసులో వున్న ప్రేమను వ్యక్తపరుస్తారు. ఇతరుల మీద దృష్టి సారించకుండా మీ మీదున్న అభిమానాన్ని ప్రేమను వ్యక్తపరుస్తారు. మిమ్మల్ని ఆనందంగా వుంచడానికి దేనికైనా సిద్ధంగా వుంటారు.
3. తప్పులని ఒప్పుకోవడం... పరిస్థితులకు అనుగుణంగా మీ భాగస్వామి ద్వారా ఏవైనా తప్పులు జరిగితే.. దానికి అప్పుడే క్షమాపణలు అడుగుతారు. తన తప్పును ఒప్పుకుని మిమ్మల్ని సంజాయిషీ ఇచ్చుకోవడానికి ప్రయత్నిస్తారు. చాలావరకు ఎటువంటి తప్పులు జరగకుండా చూసుకుంటారు. తను చేసిన తప్పులను మీమీద భారం వేయకుండా తానే స్వయంగా పరిష్కరించుకోగలుగుతాడు.
4. ఇచ్చిన మాటను నిలబెట్టుకోవడం... భాగస్వామి మీతో గౌరవంగా, విధేయతతో వుంటూ.. తను ఇచ్చిన మాటను నిలబెట్టుకోవడానికి ఎల్లవేళలా ప్రయత్నిస్తూనే వుంటారు. మీరు కష్టసమయంలో వున్నప్పుడు తప్పించుకోకుండా.. మీకు తోడుగా వుంటూ సహాయం చేస్తారు. తన ముఖ్యమైన పనులను కూడా వదిలిపెట్టి మీకిచ్చిన మాటను నిలబెట్టుకోవడానికి ముందుటాడు. ఒకవేళ అది అతనితో కుదరకపోతే.. దానికి సంబంధించిన కారణాలను వెల్లడించి.. మీ నుంచి క్షమాపణలు కోరుకుంటారు.
5. ఎక్కువ సమయం కేటాయించడం... మీరు చేసుకోబోయే భాగస్వామి మీ నుంచి దూరంగా వుండకుండా.. నిత్యం మీతోనే వుండటానికి ఇష్టపడతారు. తన పనులను ముగించుకన్న తరువాత తీరిక సమయాల్లో మీతోనే గడపడానికి ఆసక్తి చూపుతారు. వ్యక్తిగతంగా మీకు తోడుగా వుంటూ... మీరు చేసే పనులలో ధైర్యాన్ని పెంపొందిస్తారు. తను ఓడిపోయినా.. మిమ్మల్ని మాత్రం విజయాల బాట పట్టించడానికి అహర్నిశలు కష్టపడుతూనే వుంటారు. మీ ఎదుగుదలను చూసి తాను కూడా ఎంతో సంతోషిస్తారు.
ఇలా ఈ విధంగా పైన చెప్పిన లక్షణాలు మీరు చేసుకోబోయే భాగస్వామిలో వుంటే.. మీరు నిశ్చిత్తంగా అతనితో వివాహం చేసుకోవచ్చు.
(And get your daily news straight to your inbox)
Jun 04 | సంసార సాగరంలో దంపతుల మధ్య అప్పుడప్పుడు కోపతాపాలు రావడం సర్వసాధారణం. అందుకని వాటిని పదే పదే ఆలోచించుకుంటూ పోతే.. జీవితమే బోరింగ్గా ఉంటుంది. అందుచేత భార్య భర్తపై కోప్పడినా, భర్త భార్యపై కోప్పడినా.. కాస్త... Read more
Jun 03 | కొందరు వ్యక్తులు అధిక కొలెస్ట్రాల్ సమస్యతో బాధపడుతుంటారు. దీనికి సంబంధించి ఆరోగ్య చిట్కాలు పాటించకుంటే.. ఊబకాయంతోపాటు గుండె సంబంధిత వ్యాధులు తీవ్రమవుతాయి. ఇంకా ఇతర హానికారక వ్యాధులు సంభవించే అవకాశముంది. ఇలా కాకుండా కొలెస్ట్రాల్... Read more
May 28 | ఉద్యోగస్తులు టీ బ్రేక్ సమయంలో రకరకాల స్నాక్స్ తీసుకుంటుంటారు. చాలామంది స్నాక్స్ గా బిస్కెట్లు, బర్గర్లు, ఇంకా ఇతర జంక్ ఫుడ్లు తీసుకుంటారు. అయితే.. వాటిని ప్రతిరోజూ తీసుకుంటే మాత్రం ఆరోగ్య సమస్యలు తప్పవు.... Read more
May 27 | ఆరోగ్యాన్ని మెరుగుపరిచే పోషకాహారాల్లో పనసపండు ఒకటి! ఇందులో మానవ శరీరానికి కావలసిన పోషకాలు పుష్కలంగా వుంటాయి. అవి.. శరీరంలో శక్తిని పెంచి, వివిధరకాల వ్యాధుల నుంచి ఉపశమనం కలిగించడంలో సమర్థవంతంగా పనిచేస్తాయి. ఇంతకీ.. ఈ... Read more
May 25 | సాధారణంగా ప్రకృతి సహజంగా లభించే పండ్లలో పోషక విలువలు అధికంగా వుంటాయి. అలాంటి పండ్లలో లిచీ ఫ్రూట్ కూడా ఒకటి! ఇందులో ఎన్నో పోషకాలు, మినరల్స్ వుంటాయి. అవి.. ఆరోగ్యాన్ని మెరుగుపర్చడంలో సమర్థవంతంగా పనిచేస్తాయి.... Read more