ముద్దులతో మొదలుపెడితే.. గుర్రపు స్వారీ చేసినట్లే!

Posted: 09/08/2015 05:57 PM IST

మానవ జీవితంలో శృంగారం అంత్యంత కీలకమైనది. ఇది భార్యాభర్తల దాంపత్య జీవితాన్ని అన్యోన్యంగా మలచడంతోపాటు సంపూర్ణ ఆరోగ్యంగా ఉండేందుకు దోహదపడుతుంది. కాబట్టి.. నిత్యం కామక్రీడలో పాల్గొంటే.. చాలా శ్రేయస్కరం. అయితే.. కొన్ని జంటలు రతిక్రీడను తూతూమంత్రంగా కొనసాగిస్తారు. ఏదో పైపెచ్చు చేయాలన్న ఉద్దేశంతో ఆ కార్యంలో పాల్గొంటారు. స్త్రీలకు పూర్తి మజా చేయాలని వున్నప్పటికీ.. మగాడు త్వరగా భావప్రాప్తి పొంది దూరమవడంతో వాళ్లు తీవ్ర అసంతృప్తికి గురవుతారు. అలాంటప్పుడు తమ భర్తల్లో కామవాంఛను మరింతగా పెంచాలంటే.. సంభోగ సమయంలో ముద్దులు పెడుతుండాలని అంటున్నారు.

దంపతులిద్దరూ సంభోగంలో పాల్గొన్నప్పుడు మొదటి నుంచి చివరి వరకు కౌగిలింతలు, ముద్దుల్లో మునిగిపోతే.. ఆ అనుభూతులు ఇద్దరిలోనూ కామవాంఛను మరింత ఎక్కువ చేస్తాయి. కామోద్రేక ఆరంభంలో కౌగిళ్ళలో సాంధ్రత అధికంగా ఉంటుంది. కాబట్టి.. దంపతులిద్దరూ ఎంత వీలైతే పడగ గదిలో నగ్నంగా మారి ఒకరినొకరు గాఢంగా హత్తుకుంటూ, ఒకరినొకరు ప్రోత్సహించుకుంటూ ముందుకు సాగాలని సలహా ఇస్తున్నారు. సెక్స్ సమయంలో ముద్దులు మధురానుభూతులు కలిగిస్తాయి. ముద్దులకు హద్దులు ఉండవు. భాగస్వాములు ఎక్కడైనా ముద్దు పెట్టుకోవచ్చు. శరీరంలోని కామనాడుల లొకేషన్‌ను బట్టి కొందరికి కొన్ని చోట్ల ముద్దు పెడితే కామోద్రేకం విపరీతంగా పెరిగిపోతుంది. సహజంగా స్త్రీలు సిగ్గరులు కాబట్టి తన భార్య ఎక్కడ ముద్దు పెట్టుకుంటే తీవ్రంగా స్పందిస్తుందో పురుషుడే అనుభవంలో తెలుసుకోవాల్సి ఉంది.

అయితే.. జంట ఆవేశంగా, వేగంగా, ఇష్టానుసారంగా ముద్దులు పెట్టుకోకూడదు. దాని వల్ల కామోద్రేకం తీవ్ర స్ధాయికి చేరి అసలు కార్యం అర్థతరంగా ముగిసిపోయి ఇద్దరికీ అసంతృప్తి కలిగిస్తుందని నిపుణులు హెచ్చరిస్తున్నారు. ముద్దు అనేది కేవలం ఒకరినొకరు ఎంత గాఢంగా కోరుకుంటున్నారో అనేదానికి సంకేతమే తప్ప అదే సంపూర్ణ శృంగారం కాదనే విషయాన్ని గుర్తించాలి. దంపతులు ఒకరినొకరు కోరుకుంటూ, వీలైనంత ఎక్కువ సేపు కౌగిళ్ళల్లో ఉంటూ, ముద్దులు పెట్టుకుంటూ, మధ్య మధ్యలో సరస సంభాషణలు చేసుకుంటూ ముందుకు సాగాలి. ఆ తర్వాత చివరికి ఎప్పుడో ప్రత్యక్ష సంభోగ సమరానికి సిద్ధం కావాలని సలహా ఇస్తున్నారు.