మైనర్ బాలికపై అత్యాచారం కేసులో పాకిస్థాన్ క్రికెటర్

Posted: 12/21/2021 08:45 PM IST

Yasir shah s name comes up in case of alleged rape of girl

పాకిస్థాన్ క్రికెటర్.. అత్యాచార కేసులో చిక్కుకున్నాడు. 14 ఏళ్ల మైన‌ర్ బాలికపై అత్యాచార కేసులో పాకిస్థాన్ స్పిన్నర్ యాసిర్ షాపై కేసు న‌మోదైంది. ఆగస్టు 14న జరిగిన ఈ దారుణం ఆలస్యంగా వెలుగులోకి వచ్చింది. బాధితురాలి సమీప బంధువు ఇస్లామాబాద్ లోని షాలిమార్ పోలిస్ స్టేషన్లో పిర్యాదు చేయడంతో ఈ కేసు వెలుగుచూసింది. దీంతో బాధితురాలని విచారించిన పోలీసులకు అమె పిర్యాదును అందించింది. క్రికెట‌ర్ యాసిర్ షా స్నేహితుడు ఫ‌ర్హ‌న్ త‌న‌ను గ‌న్ పాయింట్‌లో బెదిరించి అత్యాచారం చేశాడ‌ని బాలిక పోలీసులకు చేసిన పిర్యాదులో పేర్కోంది. అంతటితో ఆగని పర్హాన్ ఈ దారుణాన్నివీడియో తీసిన‌ట్లు కూడా ఆ బాలిక త‌న పిర్యాదులో పేర్కోంది.

కాగా, అత్యాచార ఘ‌ట‌న తరువాత తాను పోలీసులకు సమాచారం అందించేందుకు వెళ్తుండగా, పోలీసుల‌కు చెబితే, తీవ్ర ప‌రిణామాలు ఎదుర్కోవాల్సి ఉంటుంద‌ని యాసిర్ వార్నింగ్ ఇచ్చాడ‌ని ఆ బాధఇతురాలు త‌న ఫిర్యాదులో తెలిపింది. తాను ప‌లుకుబ‌డి క‌లిగిన వ్య‌క్తిని అని, త‌న‌కు పోలీసు ఆఫీస‌ర్లు తెలుసు అని యాసిర్ షా బెదిరించిన‌ట్లు ఆ బాలిక చెప్పింది. యాసిర్‌, ఫ‌ర్హ‌న్‌లు మైన‌ర్ల‌ను రేప్ చేసి వీడియోలు తీస్తార‌ని ఆ బాలిక ఎఫ్ఐఆర్‌లో తెలిపింది. దీంతో వారిద్దరిపై పాకిస్థాన్ ఫోలీసులు పలు సెక్షన్ల కింద కేసు నమోదు చేశారు. ఇక ఈ ఘ‌ట‌న‌పై పాకిస్థాన్ క్రికెట్ బోర్డు స్పందించింది. ఈ ఘ‌ట‌న‌కు చెందిన స‌మాచారాన్ని సేక‌రిస్తున్నామ‌ని, నిజాలు తెలిసిన త‌ర్వాత దానిపై కామెంట్ చేస్తామ‌ని పీసీబీ చెప్పింది.