ఐసీసీ టీ20 ర్యాంకింగ్స్: 2వ స్థానంలో రాహుల్..

Posted: 02/16/2021 05:38 PM IST

అంతర్జాతీయ క్రికెట్‌ కౌన్సిల్‌ (ఐసీసీ) టీ20 ర్యాంకింగ్స్‌ను విడుద‌ల చేయగా, అందులో ఇంగ్లండ్‌ అగ్రస్థానంలో నిలిచింది. ఏకంగా 25 మ్యాచులు అడిన ఇంగ్లాండ్ 6877 పాయింట్లతో 275 రేటింగ్ తో అగ్రస్థానంలో కోనసాగుతోంది. కాగా ఆ తరువాత స్థానంలో అస్ట్రేలియా 6800 పాయింట్లతో 272 రేటింగ్ తో ద్వితీయ స్థానంలో కొనసాగుతోంది. ఇక టాప్ త్రి స్థానంలో టీమిండియా కొనసాగుతోంది. 38 మ్యాచులు అడిన టీమిండియా 10,186 పాయింట్లతో వున్నా 268 రేటింగ్ తో తృతీయ స్థానానికి పరిమితం అయ్యింది.

ఆ త‌ర్వాతి స్థానాల్లో వ‌రుస‌గా పాకిస్థాన్ 260 రేటింగ్ తో, ఆ తరువాత దక్షిణాఫ్రియా 251 రేటింగ్ తో నాలుగు, ఐదు స్థానాల్లో కొనసాగుతున్నాయి. ఇక ఆ తరువాత న్యూజీలాండ్, శ్రీలంక, బంగ్లాదేశ్, అప్ఘనిస్థాన్, వెస్టిండీస్ జట్టు కోనసాగుతున్నాయి. టీ20 బ్యాట్స్‌మెన్‌ ర్యాంకింగ్స్‌లో భార‌త బ్యాట్స్‌మ‌న్‌ కేఎల్‌ రాహుల్‌ ఒక స్థానం ఎగ‌బాకి, రెండో స్థానానికి చేరుకున్నాడు. ఆయ‌న‌‌ ఖాతాలో 816 రేటింగ్‌ పాయింట్లు ఉన్నాయి. ఈ జాబితాలో ఇంగ్లండ్‌ క్రికెటర్‌ డేవిడ్‌ మలాన్ ( 915 రేటింగ్‌ పాయింట్లు) అగ్ర‌స్థానంలో వున్నారు.

పరుగుల యంత్రంగా ఖ్యాతి గడించిన టీమిండియా కెప్టెన్ విరాట్ కోహ్లీ ఏడో ర్యాంక్ లో ఉన్నాడు. ఈ ర్యాంకింగులో టాప్ బ్యాట్స్ మెన్ల జిబితాలో మరే ఇతర టీమిండియా బ్యాట్స్ మెన్ కు స్థానం లభించలేదు. ఇక బౌలర్ల ర్యాంకింగ్స్‌లో ఆఫ్ఘన్ ఆట‌గాడు రషీద్‌ ఖాన్ (736 పాయింట్లు) అగ్ర‌స్థానంలో ఉండ‌గా, సౌతాఫ్రికా ఆట‌గాడు షమ్సీ (733 రేటింగ్‌ పాయింట్లు) రెండో ర్యాంక్‌కు చేరుకున్నాడు. ఇక బౌలర్ల విభాగంలో టీమిండియా నుంచి ఏ బౌలర్ కూడా ఈ జాబితాలో స్థానాన్ని అందుకోలేకపోయారు. అంతేకాదు అటు ఆల్ రౌండర్ జబితాలోనూ టీమిండియా ఆటగాళ్లు తమ స్థానాలను పధిలపర్చుకోలేదు.