కరోనావైరస్ పై పోరుకు తెలుగుతేజం పివీ సింధు విరాళం

Posted: 03/26/2020 08:00 PM IST

Coronavirus sourav ganguly and pv sindhu make big donations

కరోనా వైరస్‌ పై కేంద్ర రాష్ట్ర ప్రభుత్వాలు చేస్తున్న పోరును మలిదశకు తీసుకువెళ్లేందుకు ఒక్కొక్కరుగా ప్రముఖులు కూడా కదులుతున్నారు. ఇప్పటికే సినీపరిశ్రమకు చెందిన ప్రముఖులు తమ వంతుసాయంగా విరాళాలను అందజేస్తుండగా, అదే బాటలో క్రీడా ప్రముఖులు కూడా కదులుతున్నారు. గొప్ప వ్యక్తులు గోప్ప ఆటలతోనో, క్రీడాస్పూర్తితోనే కాదు.. గోప్ప మనస్సుతోనూ అవుతారని నిత్యం చాటే మన దేశ క్రీడా ప్రముఖులు చాలా మటుకు గుప్తదానాలకే ప్రాధాన్యతను ఇస్తుంటారు.

ప్రస్తుతం దేశంలోని అనేక మంది పేద, బీద, బిక్కి ప్రజలకు తమ వంతు సాయంగా కూడా ఇప్పటికే ప్రముఖులు గోప్యంగా దానాలు చుస్తున్నారు. అయితే బిసిసిఐ అధ్యక్షుడు సౌరవ్ గంగూలీ మాత్రం ధన సాయం కాకుండా.. దేశం ఎదుర్కోంటున్న విపత్కర పరిస్థితుల నేపథ్యంలో తన వంతుగా ప్రభుత్వ పాఠశాలలో రక్షణ పోందుతున్న అన్నార్తులకు యాభై లక్షల రూపాయల బియ్యాన్ని అందజేస్తున్నారు. ఈ మహత్తర కార్యక్రమానికి ఆయన లాల్ బాబా రైస్ అనే సంస్థతో కలసి సంయుక్తంగా చేస్తున్నారు.

ఇక మన తెలుగు తేజం.. పీవీ సింధూ కూడా తెలుగు ప్రజలకు సాయాన్ని అందించింది. ఇందులో భాగంగా రెండు రాష్ట్రాల ముఖ్యమంత్రుల సహాయనిధిలో మన ప్రపంచ ఛాంపియన్‌ రూ.5లక్షలు చొప్పున విరాళంగా ప్రకటించింది. ఈ విషయాన్ని వెల్లడిస్తూ ట్వీట్‌ చేసింది. ఈ ప్రమాదకర వైరస్‌ వ్యాప్తి చెందకుండా భారత్‌లో ప్రస్తుతం లాక్‌డౌన్‌ విధించిన సంగతి తెలిసిందే. దేశం మొత్తం లాక్‌డౌన్‌ చేయడంతో సురక్షితులుగా వుండాలంటూ ఇళ్లలోనే వుండండీ అంటూ ట్వీట్ చేసింది. ప్రభుత్వం పిలుపుకు అందరూ సహకరించాలని.. మన కోసం ప్రభుత్వం చేస్తున్న పోరాటానికి ఇంట్లో వుండి మద్దతు ప్రకటించాలని పేర్కోంది.