ఇంగ్లాండ్ జిమ్ లో చమటోడుస్తున్న టీమిండియా క్రికెటర్లు..

Posted: 06/25/2018 09:07 PM IST

ఐర్లాండ్‌తో ఈ నెల 27, 29న జరగనున్న రెండు టీ20ల సిరీస్ కోసం భారత జట్టు సిద్ధమవుతోంది. రెండు రోజుల క్రితం ఐర్లాండ్‌కి చేరుకున్న భారత జట్టు అక్కడ ఒకవైపు నెట్స్‌లో ప్రాక్టీస్ చేస్తూనే.. మరోవైపు జిమ్‌లో చెమటోడ్చుతోంది. భారత జట్టుని సెలక్టర్లు ఎంపిక చేసే ముందే ఆటగాళ్లకి యో-యో ఫిట్‌నెస్ టెస్టుని నిర్వహిస్తామని ఇటీవల బీసీసీఐ ప్రకటించిన నేపథ్యంలో.. ప్రస్తుతం టీమిండియా ఫిట్‌నెస్‌పై ప్రత్యేక శ్రద్ధపెట్టింది. ఇందులో భాగంగానే భారత కెప్టెన్ విరాట్ కోహ్లి, దినేశ్ కార్తీక్‌ పాటు బౌలర్లు భువనేశ్వర్ కుమార్, కుల్దీప్ యాదవ్, చాహల్‌ సైతం జిమ్‌లో కఠినమైన కసరత్తులు చేస్తూ కనిపించారు.

ఐర్లాండ్ పర్యటన ముగిసిన తర్వాత జూలై 3 నుంచి ఇంగ్లాండ్‌తో మూడు టీ20లు, మూడు వన్డేలతో పాటు ఐదు టెస్టుల సుదీర్ఘ సిరీస్‌ని భారత్ ఆడనుంది. కఠినమైన ఆ పర్యటనకి ముందు ఐర్లాండ్‌తో టీ20 సిరీస్‌లో మెరుగ్గా రాణించి లయ అందుకోవాలని టీమిండియా ఆశిస్తోంది. ఐపీఎల్ 2018 సీజన్‌ ముగిసిన తర్వాత అఫ్గానిస్థాన్‌తో ఏకైక టెస్టు మ్యాచ్ ఆడినా.. ఏకపక్షంగా రెండు రోజుల్లోనే అది ముగియడంతో భారత్‌కి తగినంత ప్రాక్టీస్ లభించలేదు. దీంతో.. ఈ రెండు టీ20ల సిరీస్‌పై భారత్ ప్రత్యేక దృష్టి పెట్టింది.