భవిష్యత్తులో ఎప్పుడూ అలాంటి తప్పు చేయను.!

Posted: 09/15/2017 08:29 PM IST

టీమిండియా మాజీ డాషింగ్ ఓపెనర్ వీరేంద్ర సెహ్వాగ్.. ఇటీవల చేసిన తప్పును మళ్లీ పునరావృతం కాకుండా చూసుకుంటానని అన్నాడు. టీమిండియా ప్రధాన కోచ్‌ పదవికి దరఖాస్తు చేయాలన్న ఆలోచన తన మది నుంచి పూర్తిగా తీసేశానని, ఇక తన జీవితకాలంలో ఎప్పడూ అలాంటి పనికి పూనుకునేది లేదని కుండబద్దలు కోట్టాడు. అసలు తనకు టీమిండియా జట్టకు ప్రధాన కోచ్ కావాలన్న అశ కానీ, అసక్తి కానీ లేదని.. తేల్చిచెప్పాడు.

అయితే బీసీసీఐ ఉన్నత వర్గాలు తనతో సంప్రందించి సాయం చేయాల్సిందిగా కోరిన తరువాతే తాను కోచ్ పదవికి దరఖాస్తు చేయాలని నిర్ణయించుకున్నట్లు వెల్లడించాడు. బీసీసీఐ కార్యదర్శి అమితాబ్ చౌదరి వచ్చి సంప్రదింపులు జరిపిన ఏదైనా సాయం చేయాలని కోరిన నేపథ్యంలోనే తాను ఆ పదవికి దరఖాస్తు చేశానని చెప్పాడు. అయితే ఒకానొక సమయంలో విరాట్ కోహ్లీ కూడా తనను దరఖాస్తు చేసుకోమని సలహా కూడా ఇచ్చాడని చెప్పాడు.

అదే సమయంలో ఐసీసీ ఛాంపియన్స్ ట్రోఫీలో కామెంటేటర్ వున్న తాను.. అక్కడ కలిసిన రవిశాస్త్రినీ.. కోచ్ పదవికి దరఖాస్తు చేస్తున్నావా అని అడిగిన వెంటనే.. లేదని, చేసిన తప్పు మళ్లీ చేస్తానా అని ఆయన సమాధానమిచ్చాడని దీంతో తాను కోచ్ పోస్టుకు అప్లై చేశానని వీరూ చెప్పాడు. అయితే దీనికి వీరూ మాత్రం చాలా హర్ట్ అయినట్లు వున్నాడు. అందుకునే నిత్యం తన సెకెండ్ ఇన్నింగ్స్ తో అలరించే వీరూ.. కాసింత నెమ్మదించాడు.