బాల్ ట్యాంపరింగ్ అరోపణలపై కోహ్లీ...

Posted: 11/25/2016 05:53 PM IST

సుదీర్ఘ భారత పర్యటనకు వచ్చిన ఇంగ్లాండ్ తో జరిగిన రాజ్ కోట్ తొలి టెస్టులో బాల్ ట్యాంపరింగ్‌కు పాల్పడ్డాడ‌ని బ్రిటీష్ మీడియా ప్రచురించిన కథనాలపై టీమిండియా స్టార్ బ్యాట్స్‌మెన్‌, టెస్టు కెప్టెన్ విరాట్ కోహ్లీ స్పందించాడు. ఈ విషయమై మొహాలీ వేదకగా ప్రారంభం కానున్న మూడవ టెస్టు ముందురోజు అయన నవ్వుతూ అరోపణలను తోసిపుచ్చారు. తరువాత ఈ అంశంపై ఘాటుగా స్పందించాడు.

ఇంగ్లండ్‌తో టీమిండియా ఆడుతున్న సిరీస్‌పై దృష్టి మళ్లించేందుకే ఇటువంటి క‌థ‌నాలను ప్రచారం చేస్తున్నార‌ని ఆరోపించాడు. త‌న‌కు వార్తా ప‌త్రిక‌లు చదివే అలవాటు లేదని.. అందుకనే బ్రీటీస్ టాబ్లాయిడ్ ది డయిలీ మెయిల్ కథనం గురించి తనకు అలస్యంగా తెలిసిందని అన్నారు.

ఇరు జ‌ట్ల మ‌ధ్య ఎంతో ఉత్కంఠ‌తో కొన‌సాగుతున్న సిరీస్‌పై నుంచి దృష్టిని మరల్చేందుకే వారు ఇలాంటి వార్తలు ప్రచారం చేస్తున్నార‌ని అర్థం అవుతుందని వ్యాఖ్యానించాడు. ఈ అంశంపై ఇంగ్లండ్ ఆట‌గాళ్లు కానీ, అంపైర్లుగానీ ఎటువంటి ఫిర్యాదులు చేయ‌లేదు. ఈ విష‌యాన్ని గుర్తు చేసిన కోహ్లీ వార్తా ప‌త్రిక‌లో వ‌చ్చిన‌ కథనం ఆధారంగా ఐసీసీ తనపై చర్యలు తీసుకునే అవ‌కాశం లేద‌ని తాను అనుకుంటున్నట్లు చెప్పాడు.