రెండో టెస్టు గెలిచి లంకేయులు.. సీరీస్ కైవసం

Posted: 08/06/2016 07:17 PM IST

శ్రీలంక పర్యటనలో అధిత్యజట్టుతో మూడు టెస్టుల సిరీస్లో భాగంగా తొలి టెస్టులో ఓటమి పాలైన ఆస్ట్రేలియా.. రెండో టెస్టు మ్యాచ్లో కూడా అదే బాట పట్టింది. దీంతో అసీస్ తో జరుగుతున్న టెస్టు సిరీస్ ను లంకేయులు మరో టెస్టు మ్యాచ్ మిగిలివుండగానే కైవసం చేసుకున్నారు. స్వదేశంలో తాము ఎంత బలవంతులమో శ్రీలంక క్రికెట్ జట్టు మరోసారి చాటిచెప్పింది. శ్రీలంక జట్టులో స్టార్లు లేకపోయినా, సమిష్టగా పోరాడి సిరీస్ను 2-0 తో కైవసం చేసుకుంది. రెండో టెస్టు మ్యాచ్లో శ్రీలంక నిర్దేశించిన 413 పరుగుల లక్ష్యాన్ని ఛేదించే క్రమంలోఆస్ట్రేలియా పేకపేడలా కుప్పకూలింది.

ఏ దశలోనూ లంకేయులకు పోటీనివ్వలేక మ్యాచ్ రెండు రోజులుండగానే చేతులెత్తేసింది. 25/3 ఓవర్ నైట్ స్కోరుతో మూడు రోజు రెండో ఇన్నింగ్స్ కొనసాగించిన ఆసీస్ 183 పరుగులకే ఆలౌటయ్యింది. దీంతో 229 పరుగుల భారీ తేడాతో ఘోర ఓటమి చవిచూసింది. ఆసీస్ ఇన్నింగ్స్ లో డేవిడ్ వార్నర్(41) రాణించగా,స్టీవ్ స్మిత్(30)ఫర్వాలేదనిపించాడు. ఈ మ్యాచ్లో లంక స్పిన్నర్ దిల్రువాన్ పెరీరా  మొత్తం పది వికెట్లతో మెరిశాడు. తొలి ఇన్నింగ్స్ లో నాలుగు వికెట్లు తీసిన పెరీరా.. రెండో ఇన్నింగ్స్లో ఆరు వికెట్లు సాధించాడు.

శ్రీలంక తొలి ఇన్నింగ్స్ 281ఆలౌట్, రెండో ఇన్నింగ్స్  237 ఆలౌట్

ఆస్ట్రేలియా తొలి ఇన్నింగ్స్ 106 ఆలౌట్, రెండో ఇన్నింగ్స్  183 ఆలౌట్