అతడి బ్యాటింగ్ ఓ మిషెన్ లా వుంది

Posted: 05/08/2016 06:41 PM IST

రైజింగ్ పుణె సూపర్జెయింట్స్ బౌలర్ ఆడం జెంపా.. బెంగళూరు రాయల్ చాలెంజర్స్ కెప్టెన్ విరాట్ కోహ్లీపై ప్రశంసలు కురిపించాడు. కోహ్లీలో దూకుడుతత్వం వుందన్న విషయాన్ని, ఆయన దూకుడు స్వభావాన్ని జంపా కొనియాడాడు, కోహ్లీ ఓ మెషిన్ బ్యాటింగ్ చేస్తాడంటూ కితాబిచ్చాడు. అతనిలో ప్రత్యేక నైపుణ్యం ఉందని అన్నాడు. పుణెతో జరిగిన మ్యాచ్లో కోహ్లీ అజేయ సెంచరీ చేసి జట్టును విజయతీరాలకు చేర్చిన అంశమై ఆయన స్పందించాడు. కోహ్లీ తన ఆటను నిదానంగా అడతాడని, అయితే అయన విజృంభించి ఆడితే ఎలా వుంటుందో క్రితం రోజు జరిగిన మ్యాచ్ తేటతెల్లం చేస్తుందని అన్నాడు.

కోహ్లీ బ్యాటింగ్ ఓ మెషిన్లా ఉంటుందని, అయితే తొలి బంతి నుంచే దూకుడుగా ఆడాలని ఆయన చూడడని చెప్పుకోచ్చాడు. బ్యాటింగ్ లో కోహ్లీ నిలదోక్కకుని ఆడితే.. ఎలా వుంటుందో తెలిసిందన్నాడు. క్రీజులో కుదురుకున్నాక కోహ్లీ దూకుడు పెంచుతాడని చెప్పుకోచ్చాడు. బెంగళూరులో మ్యాచ్లో విరాట్ అద్భుతంగా ఆడాడని జెంపా అన్నాడు. బెంగళూరు స్టేడియంలో ఆడిన అనుభవం తనకుందని, ప్రపంచ కప్లో ఆస్ట్రేలియా తరపున ఆడానని చెప్పాడు. భారత్ లో వాతావరణం అద్భుతంగా ఉందని జంపా అన్నాడు.

మనోహర్