దాయాధుల సమరంలో విజయంపై వకార్ ధీమా

Posted: 03/19/2016 10:14 AM IST

టీ 20 ప్రపంచ కప్ లో దాయాధుల సమరమంటే యావత్ ప్రపంచం కూడా ఆసక్తిగా గమనించే రసవత్తరమైన మ్యాచ్ అని పాకిస్తాన్ క్రికెట్ జట్టు కోచ్ వకార్ యూనిస్ అన్నారు. ఈ మ్యాచ్ ను అస్ట్రేలియా న్యూజీలాండ్ మధ్య జరిగే యాషెస్ సిరీస్ కన్నా అధికంగా ప్రజాదరణ పోందినదని చెప్పుకోచ్చారు. భారత్, పాకిస్థాన్ లతో పాటు ప్రపంచమంతా ఆసక్తిగా తిలకిస్తుందని వకార్ యూనిస్ తెలిపాడు. శుక్రవారం అతడు విలేకరులతో మాట్లాడుతూ... గతంలో టీమిండియాతో జరిగిన టీ 20 మ్యాచ్ ల ఫలితాలను పరిగణలోకి తీసుకోబోమని చెప్పారు.

అయితే గతంలో కన్నా ఇప్పుడు టీమిండియా జట్టుపైనే అధికంగా ఒత్తిడి వుందన్నారు. టీ20 ప్రపంచకప్ ఆరంభ మ్యాచ్ లో న్యూజిలాండ్ చేతిలో టీమిండియా ఓడిపోవడంతో ఆ జట్టుపై ఒత్తిడి ఎక్కువయిందని వివరించాడు. కోల్ కతాలో తమకు మైదానంలోనూ, మైదానం వెలుపల మద్దతు బాగుందని సంతృప్తి వ్యక్తం చేశాడు. ఇది తమకు అచ్చివచ్చిన మైదానమని, ఇక్కడ విజయం తమనే వరిస్తుందని కూడా ధీమా వ్యక్తం చేశారు. తమ జట్టు బలాలపై దృష్టి పెడుతున్నామని, టీమిండియా బలహీనతల గురించి ఆలోచించడం లేదని వకార్ యూనిస్ తెలిపాడు.

మనోహర్