టెస్టు సిరీస్ కివీస్ వశం.. లంకకు పరాభవం..

Posted: 12/21/2015 06:21 PM IST

శ్రీలంకతో జరిగిన రెండు టెస్టుల సిరీస్ ను న్యూజిలాండ్ చేజిక్కించుకుంది. చివరి టెస్టులో శ్రీలంక నిర్దేశించిన 189 పరుగుల లక్ష్యాన్ని కివీస్ ఐదు వికెట్లు కోల్పోయి ఛేదించింది. చివరి రోజు ఆటలో భాగంగా  142/5 ఓవర్ నైట్ స్కోరుతో  సోమవారం రెండో ఇన్నింగ్స్ ఆరంభించిన కివీస్ మరో వికెట్ నష్టపోకుండా విజయం సాధించింది.
 
న్యూజిలాండ్ ఆటగాళ్లలో విలియమ్సన్(108 నాటౌట్;164 బంతుల్లో 12 ఫోర్లు, 1 సిక్స్) అజేయ శతకంతో రాణించి జట్టు ఘన విజయంలో కీలక పాత్రపోషించి మ్యాన్ ఆఫ్ ద మ్యాచ్ అవార్డును గెలుచుకున్నాడు. కేవలం రెండో టెస్టు తొలి ఇన్నింగ్స్ లో మాత్రమే ఓ మోస్తరుగా రాణించిన శ్రీలంక... మొదటి టెస్టులో 122 పరుగులతో ఓటమి చవిచూసిన సంగతి తెలిసిందే.  దీంతో రెండు టెస్టుల సిరీస్ ను కివీస్ 2-0 తేడాతో కైవసం చేసుకుంది. ఇదిలా ఉండగా,  ఇరు జట్ల మధ్య ఐదు వన్డేల సిరీస్ డిసెంబర్ 26 వ నుంచి ఆరంభం కానుంది.
 
శ్రీలంక తొలి ఇన్నింగ్స్ 292 ఆలౌట్, రెండో ఇన్నింగ్స్ 133 ఆలౌట్
న్యూజిలాండ్ తొలి ఇన్నింగ్స్ 237 ఆలౌట్, రెండో ఇన్నింగ్స్ 189/5

జి. మనోహర్