జీవా నవ్వు.. జీవితాన్ని మార్చేస్తుంది.. చాలా బాధపడ్డానంటున్న ధోని

Posted: 04/22/2015 06:29 PM IST

భారత జట్టు సారధి మహేంద్ర సింగ్ ధోని తన పాప గురించి ప్రస్తావించారు. అది కూడా అలా ఇలా కాదు.. తన పుత్తడి బోమ్మి నవ్వు.. తన జీవితాన్నే మార్చేసిందని గారాలబోయాడు. అస్ట్రేలియా పర్యటనకని జట్టుతో పాటుగా బయలుదేరి వెళ్లిన భారత క్రికెట్ కెప్టన్ మహేంద్ర సింగ్ దోని.. ఆ తరువాత అసీస్, ఇంగ్లాండ్ తో జరిగిన ముక్కోణపు వన్డే సీరిస్ లో వుండగా, ఆయనకు శుభవార్త అందింది. తాను తండ్రిని అయ్యానని, తన ఇంటి మహాలక్ష్మీ జన్మించిందని.. దీంతో తన సంబరాన్నంతా దాచుకున్న ఆయన.. ప్రపంచ కప్ పైనే తన దృష్టి అంతా వుందని బదులిచ్చాడు. ఈ నేపథ్యంలో జీవాను చూసేందుకు కూడా వెళ్లనన్నారు.

అయితే.. ప్రపంచకప్ పోరాటంలో సెమీస్ వరకు దిగ్విజయంగా వెళ్లిన.. టీమిండియా.. ఆ తరువాత..ఓటమిపాలై.. వెనుదిరగడంతో.. కొంత నైరాశ్యంలోనే వెనుదిరిగిన ఆయన ఆ తరువాత ఐపీఎల్ మ్యాచ్ లతో బిజీగా మారినా.. ఇప్పుడు కాస్త విరామం దొరికినప్పుడల్లా తన కూతురు జీవా గురించే సమయాన్ని కేటాయిస్తున్నాడు. ఈ నేపథ్యంలో తన జీవా గురించి మీడియాతో కూడా ముచ్చటించాడు. తన భార్య ప్రసవించినపుడు పక్కన లేకపోవడం బాధ కలిగించిందన్నాడు. తన పాప రాకతో జీవితం చాలా మారిందన్నాడు. పాప పుట్టినప్పుడు భారత్ తో లేనని, చాలా రోజులు తనను చూడలేదని, ఆ సమయంలో చాలా కష్టంగా గడిచిందని తన బాధన బహిర్గతం చేశాడు. తన పసిపాప నవ్వు చేస్తే చాలు.. తన జీవితం మారిపోతుందన్నాడు. తాను టీమిండియాకు అడుతున్నానా.. లేక చెన్నై సూపర్ కింగ్స్ కు ఆడుతున్నానా.. అన్న వాటితో సంబంధం లేకుండా తన జీవా ఎప్పుడు ఏడవాలనిపిస్తే అప్పుడు ఏడుస్తుందని, ఎప్పుడు నవ్వాలనిపిస్తే.. అప్పుడు నవ్వుతుందని దోప్పాడు దోని. ఇది మంచి అనుభూతిని ఇచ్చే విషమన్నాడు.

జి మనోహర్