సెమీస్ కోసం భారత్ ఆరాటం.. బంగ్లాతో పోరుకు సన్నధం..

Posted: 03/18/2015 05:50 PM IST

ప్రపంచ కప్ క్రికెట్ టోర్నమెంటులో భాగంగా నాకౌట్ ధశలో అడుగుపెట్టి మరో అంకానికి తెరలేవడంతో.. రేపు మెల్ బోర్న వేదికగా జరగనున్న రెండవ క్వార్టర్ ఫైనల్స్ లో బంగ్లాతో జరగనున్న మ్యాచ్ లో గెలుపోంది సెమీస్ లోకి అడుగుపెట్టాలని టీమిండియా ఆరాటపడుతుంది. ఢిపెండింగ్ ఛాంఫియన్ గా ప్రపంచ క్రికెట్ కప్ టోర్నమెంటులోకి అడుగుపెట్టిన ధోణిసేన గ్రూప్ బిలో లీగ్ దశలో ఓటమెరుగని జట్టుగా డబుల్ హ్యాట్రిక్ సాధించింది. నాకౌట్ దశలోనూ మరో హ్యాట్రిక్ నమోదు చేసుకోవాలని టీమిండియా ఉవ్విళ్లూరుతుంది. ఇందులో భాగంగా బంగ్లాదేశ్ తో జరిగే నాకౌట్ సమరానికి సన్నద్ధమైంది.

రేపు జరిగే రెండో క్వార్టర్ ఫైనల్లో ఉపఖండం భారత్ తో అసియా ఖండానికి చెందిన మరో జట్లు బంగ్లాదేశ్ తలపడుతున్నాయి. ప్రపంచ కప్లో జైత్రయాత్ర కొనసాగించాలని ధోనీసేన ఆరాటపడుతుంటే..  అంచనాలకు మించి రాణిస్తూ ఇంగ్లాండ్ పై నమోదు చేసుకున్న విజయోత్సాహంతో బంగ్లాదేశ్ బరిలోకి దిగుతోంది. లీగ్ దశలో తొలి మ్యాచ్లో చిరకాల ప్రత్యర్థి, దాయాధి పాకిస్థాన్పై ఘనవిజయం సాధించిన భారత్.. రెండో మ్యాచ్ల్లో దక్షిణాఫ్రికాకు షాకిచ్చింది. ఆనక యూఏఈ, వెస్టిండీస్, ఐర్లాండ్, జింబాబ్వేలను ఓడించి ధోనీసేన జైత్రయాత్ర కొనసాగించింది. ఆరు మ్యాచ్ల్లో ఆరు జట్లనూ ఆలౌట్ చేసింది. ఏ మాత్రం అంచనాలు లేనప్పటికీ, అంతా కోత్తగా జట్టులో చేరిన యువ బౌలర్లు.. అద్భుత ప్రదర్శన చేస్తున్నారు. పేసర్లు, స్పిన్నర్లు, పార్ట్ టైమర్లు సమష్టిగా రాణిస్తున్నారు. ధోనీసేన ఇదే జోరు సాగిస్తే బంగ్లాదేశ్కు ఓటమి తప్పదు.

బంగ్లా విషయానికొస్తే 6 లీగ్ మ్యాచ్ల్లో మూడింటిలో నెగ్గింది. అగ్రశ్రేణి జట్టు ఇంగ్లండ్ను ఓడించింది. గతంలో భారత్నూ ఓడించిన చరిత్ర ఉంది.  అయితే బంగ్లాకు నిలకడలేమి ప్రధాన సమస్య. ఎప్పుడెలా ఆడుతుందో చెప్పడం కష్టం. బంగ్లా బ్యాటింగ్ లైనప్లో మహ్మదుల్లా మంచి ఫామ్లో ఉన్నాడు.  ఈ ఈవెంట్లో రెండు సెంచరీలు చేశాడు. ముష్ఫికర్ రహీం, షకీబల్ హసన్ కూడా కీలకం.  బౌలింగ్ విభాగంలో సమస్యలు ఎదుర్కొంటోంది. బౌలర్లు నిలకడగా రాణించలేకపోతున్నారు. కాగా, 2007 ప్రపంచ కప్లో భారత్.. బంగ్లా చేతిలో ఓడిపోగా.. గత ప్రపంచ కప్లో భారత్.. బంగ్లాపై విజయం సాధించింది.

జి.మనోహర్