వెస్టిండిస్ ను చిత్తు చేసిన సౌతాఫ్రికా

Posted: 02/27/2015 04:09 PM IST

సౌతిఫ్రికా ఆటగాళ్లు వెస్టిండీస్ ఆటగాళ్లకు చుక్కలు చూపించారు. పరుగుల వరద పారించారు. రికార్డులను బద్దలు కొడుతూ సాగిన ఇన్నింగ్స్ అదిరిపోయింది. కెప్టన్ డెవిలియర్స్ మెస్మరైజింగ్ పర్ఫామెన్స్ తో అందరిని ఆకట్టుకున్నారు. అయితే తరువాత బరలో దిగిన వెస్టిండిస్ ఆటగాళ్లు ఉసూరుమనిపించారు. గత మ్యాచ్ లొ మెరిసిన క్రిస్ గేల్ మొదట్లోనే ఔటయ్యాడు. కేవలం మూడు రన్స్ చేసిన క్రిస్ తరువాతి వికెట్లు టపటపా పడ్డాయి. ఒక్క  స్మిత్ 31, జాసన్ హోల్డర్ 56 పరుగులు చేశారు. మిగిలిన ఆటగాళ్లలో ఎవరూ రానించలేదు. సౌతాఫ్రికా చేసిన స్కోర్ లో కనీసం సగం కూడా చెయ్యకుండా, వెస్టిండిస్ ఆటగాళ్లను కట్టడి చేశారు సౌతాఫ్రికా క్రికెటర్లు.

 409 పరుగుల లక్ష్యంతో బరిలో దిగిన కరీబియన్లు 33.1 ఓవర్లలో 151 పరుగులకు ఆలౌటయ్యారు.  రెండో ఓవర్లో క్రిస్ గేల్ (3)  ఓటమితో విండీస్ పతనం ఆరంభమైంది. అబాట్ వరుస ఓవర్లలో గేల్, శామ్యూల్స్ను అవుట్ చేయడంతో విండీస్కు కష్టాలు ఆరంభమయ్యాయి. ఇక దక్షిణాఫ్రికా స్పిన్నర్ ఇమ్రాన్ తాహిర్ విండీస్ బ్యాటింగ్ లైనప్ను పేకమేడలా కూల్చేశాడు. అంతకుముందు టాస్ గెలిచి బ్యాటింగ్కు దిగిన సఫారీలు  నిర్ణీత ఓవర్లలో 5 వికెట్ల నష్టానికి 408  పరుగులు చేసింది. డివిల్లీర్స్ 162 పరుగులతో రెచ్చిపోగా, ఆమ్లా 65, డుప్లెసిస్ 62, రోసౌ 61 లు చేశారు. ఈ మ్యాచ్ లో డివిల్లీర్స్ వన్డేల్లో తన  20వ సెంచరీని చేశారు. గేల్, రసెల్ రెండేసి వికెట్లు తీశారు. మొత్తానికి సౌతాఫ్రికా వెస్టిండిస్ ను చెత్తగా ఓడించిందని స్సష్టంగా చెప్పవచ్చు.

- అభినవచారి