మూడో రోజు భారత బౌలర్ల హవా

Posted: 11/16/2013 10:40 AM IST

Ojha and ashwin strike early to rattle windies on day 3

మాస్టర్ బ్లాస్టర్ సచిన్ టెండూల్కర్ ఆడుతున్న చిట్టచివరి మ్యాచ్ ని ఘనంగా ముగించబోతున్నారు భారత ఆటగాళ్ళు. ముంబై వాంఖడే స్టేడియంలో విస్టిండీస్ తో జరుగుతున్న రెండో టెస్టులో భారీ విజయాన్ని సొంతం చేసుకొనే దిశగా భారత్ పయనిస్తుంది.

శుక్రవారం సాయంత్రం విండీస్ బ్యాట్స్మెన్ పావెల్ (9), బెస్ట్ (9), డారెన్ బ్రావో (11) తక్కువ పరుగులకే అవుటయ్యారు. మూడో రోజు ఆట ప్రారంభం అయిన మొదటి సెషన్ లోనే విండీస్ పతనాన్ని శాసిస్తున్నారు. హైదరాబాదీ స్పిన్నర్ ప్రజ్ఞాన్ ఓఝా వరుసగా మూడు వికెట్లు తీశాడు. శామ్యూల్స్ (11), విండీస్ మెరుపు వీరుడు క్రిస్గేల్ (35)ను ఓజా పెవిలియన్ బాటపట్టించాడు. శామ్యూల్స్ను స్టంపవుట్ చేసిన ధోనీ.. గేల్ క్యాచ్ అందుకున్నాడు. అనంతరం డియోనరైన్ ఓజా బౌలింగ్ లో అతనికే క్యాచిచ్చి వెనుదిరిగాడు. 43/3 ఓవర్నైట్ స్కోరుతో రెండో ఇన్నింగ్స్ కొనసాగించిన విండీస్ ప్రస్తుతం 90/6తో ఓటమి దిశగా పయనిస్తోంది.

చందర్పాల్, రాందిన్ క్రీజులో ఉన్నారు. ఇక మొదటి ఇన్నింగ్స్ లో సచిన్ (74), పూజారా (113), రోహిత్ (111) నాటౌట్ తో రాణించడంతో భారత్ కి 313 పరుగుల భారీ ఆధిక్యం దక్కిన విషయం తెలిసిందే. రోహిత్శర్మ అరంగ్రేటం చేసిన రెండు టెస్టుల్లో వరుసగా సెంచరీలు చేశాడు. విండీస్ బౌలర్లలో షిల్లింగ్ఫోర్డ్ ఐదు వికెట్లు తీశాడు. ఇదే జోరు కొనసాగితే ఈ రోజే భారత్ ఆటను ముగించి మాస్టర్ కి వీడ్కోలు పలికే అవకాశం ఉంది.