నాలుగో వన్డే వర్షార్పణం

Posted: 10/24/2013 08:48 AM IST

ఆస్ట్రేలియాతో స్వదేశంలో జరగుతున్న వన్డే సిరీస్ లో భాగంగా నాలుగోవన్డేలో ఎలాగైనా గెలవాలనే పట్టుదలో ఉన్న భారత్ ఆశలపై వరణుడు నీళ్లు చళ్లాడు. మూడో వన్డేలో దెబ్బతిన్న టీం ఇండియా కఠోరంగా ప్రాక్టీస్ చేసి బుధవారం నాలుగో వన్డే ఆడిన భారత్ - ఆస్ట్రేలియా మ్యాచ్ రద్దు అయింది. నిన్న రాత్రి జరిగిన డే నైట్ మ్యాచ్ కి వరణుడు తీవ్రంగా ఆటంకం కలిగించడంతో రద్దు చేయాల్సి వచ్చింది. 296 పరుగుల లక్ష్యంతో బరిలోకి దిగిన ధోనీసేన 4.1 ఓవర్లలో వికెట్ కోల్పోకుండా 27 పరుగులు చేసింది.

ఈ సమయంలో ఎడతెరిపి లేకుండా వర్షం రావడంతో మ్యాచ్ ఆగిపోయింది. టాస్ ఓడి బ్యాటింగ్కు దిగిన ఆసీస్ నిర్ణీత ఓవర్లలో ఎనిమిది వికెట్లకు 295 పరుగులు సాధించింది. ఆదిలోనే ఫించ్ (5), వాట్సన్ (14)ను బౌల్డ్ చేయగా.. హ్యూస్ (11) వికెట్లను వరుసగా షమీ పడగొట్టడంతో పీకల్లోతు కష్టాల్లో కూరుకుపోయిన కంగూరు జట్టును జార్జి బెయిలీ (98) మరోసారి కెప్టెన్ ఇన్నింగ్స్ ఆడగా, మ్యాక్స్వెల్ (92) విజృంభించి ఆదుకున్నారు.

చివరల్లో భారత బౌలర్లు కంగారులను కట్టడి చేయలేక పోవడంతో ఆసీస్ 300 మార్కుకు దగ్గైరంది. ఈ మ్యాచ్ రద్దవడంతో ఆసీస్ 2-1తో ముందంజలో ఉంది. మిగిలిన మూడు వన్డేలు గెలిస్తేనే భారత్ కి సిరీస్ దక్కే అవకాశాలుంటాయి.