బీసీసీఐకి స్పాన్సర్లు కావలెను

Posted: 09/19/2013 12:33 PM IST

బీసీసీఐ (బోర్డ్ ఆఫ్ కంట్రోల్ ఫర్ క్రికెట్ ఇండియా) ప్రపంచ దేశాల్లోకెల్ల అన్ని క్రికెట్ బోర్డుల కంటే అత్యంత సంపన్నమైంది. ఏ దేశం క్రికెట్ బోర్డు దగ్గర లేనంత సంపద దీనికి ఉంది. కానీ ఎవరీ లేనికి లేని కష్టం వచ్చిపడింది. ఈ బోర్డుకు స్పాన్సర్ చేయడానికి ఎవరూ ముందుకు రావడం లేదు. అవునా అని ఆశ్చర్యపోకండి. నిజమే బీసీసీఐకి స్పాన్సర్ షిప్ చేయడానికి ఇప్పుడు ఏ సంస్థ ముందుకు రావడం లేదు. భారత్ లో జరిగే దేశవాళీ, అంతర్జాతీయ క్రికెట్ మ్యాచ్ లకు టైటిల్ స్పాన్సర్ షిష్ చేసేవారు కరువయ్యారు. ఇప్పటి వరకు టైటిల్ స్పాన్సర్‌గా వ్యవహరిస్తున్న ఎయిర్‌టెల్ తన కాంట్రాక్ట్‌ను పొడిగించలేదు. ఫలితంగా ఇప్పుడు బీసీసీఐ కొత్త స్పాన్సర్ వేటలో పడింది. ఎయిర్‌టెల్‌తో ఒప్పందం ఈ ఏడాది మార్చి 31నే ముగిసింది. అయితే పునరాలోచించుకునేందుకు బోర్డు మరో మూడు నెలల అదనపు సమయం ఇచ్చినా ఎయిర్‌టెల్ ఆసక్తి కనబర్చలేదు. దీంతో కొత్త స్పాన్సర్ షిప్ కోసం టెండర్ డాక్యుమెంట్ ఖరారు చేసేందుకు ఫరూఖ్ అబ్దుల్లా నేతృత్వంలోని బోర్డు మార్కెటింగ్ నేడు సమావేశం కానుంది. అయితే ఇప్పటి వరకు ఎయిల్ నోరు మెదపకపోయినా, సహారా తప్పుకోవడంతో స్పాన్సర్‌షిప్‌ పై ఎవరు ముందుకు వస్తారో చూడాలి అంటున్నాయి బీసీసీ వర్గాలు.