సచిన్ తో సంబంధాలు కొనసాగుతాయి

Posted: 07/17/2013 01:12 PM IST

ఇండియన్ ఏయిర్ ఫోర్స్ (ఐఏఎప్) లో సచిన్ గ్రూప్ కెప్టెన్ హోదాలో కొనసాగుతున్న విషయం తెలిసిందే. సచిన్ క్రికెట్ రంగానికి అందించిన సేవలకు గాను ఐఏఎఫ్ లో శాశ్వత సభ్యుడి హోదా కల్పించడమే కాకుండా,  2011 లో గౌరవ కెప్టెన్ హోదా కల్పించి సత్కరించింది. అప్పటి నుండి సచిన్ కి, ఐఏఎఫ్ కి మధ్య సంబంధాలు సాగుతూనే ఉన్నాయి. అయితే తాజాగా నిన్న సచిన్‌కి ఐఏఎఫ్ కటీఫ్ చెప్పిందనే వార్తలు గుప్పుమన్నాయి. బ్రాండ్ అంబాసిడర్ బాధ్యతల నుంచి సచిన్‌ను తొలగించారని, గ్రూప్ కెప్టెన్‌గా మాత్రం కొనసాగుతాడని వార్తలు వచ్చాయి. ఈ వార్తల పై స్పందించిన ఐఏఎఫ్ పై వార్తలను ఖండించింది. ఐఏఎఫ్‌తో సచిన్ సంబంధాలు కొనసాగుతున్నాయని, తమ కుంటుంబంలోని సభ్యుడిగానే ఉన్నాడని ఐఏఎఫ్ ప్రకటించింది. ఐఏఎఫ్‌తో సచిన్ సంబంధాలు కొనసాగుతున్నాయని, తమ కుంటుంబంలోని సభ్యుడిగానే ఉన్నాడని చెప్పింది.  సచిన్ ఎయిర్స్ ఫోర్స్ లో ఉంటే యువత ఈ రంగం వైపు ఆకర్షిస్తుందని భావించి ఈయనకు ఆ గౌరవాన్ని కట్టబెట్టింది. కానీ సచిన్ బిజీ షెడ్యూల్ వల్ల తగిన సమయాన్ని కేటాయించక పోవడం వల్ల అనుకున్న ఫలితాలు సాధించలేక పోవడం వల్లనే ఈయనతో తెగతెంపులు చేసుకునేందుకు సిద్ధమైందని వార్తలు వచ్చిన నేపథ్యంలో ఐఏఎఫ్ స్పందించాల్సి వచ్చింది. కానీ కొంత మంది మాత్రం సచిన్ మెల్లిమెల్లిగా ఒక్కో ఫార్మాట్ కి దూరం అవుతుండటమే కారణం అని అంటున్నారు.