ప్రతిభ కనబర్చిన రవీంద్ర జడేజా

Posted: 06/25/2013 04:36 PM IST

చాంపియన్స్ ట్రోఫీలో అసాధారణ ప్రతిభ కనబర్చిన రవీంద్ర జడేజా బౌలింగ్, ఆల్‌రౌండర్ విభాగాల్లో కెరీర్ బెస్ట్ ర్యాంకులు సాధించాడు. చాంపియన్స్ ట్రోఫీలో తా ను తీసిన 12 వికెట్లతో గోల్డెన్ బాల్ ట్రోఫీని సొంతం చేసుకు న్న జడేజా.. ఇక్కడ విడుదలైన వన్డే ర్యాంకింగ్స్ బౌలింగ్, ఆల్‌రౌండర్ విభాగాలు రెండింటిలోనూ మూడో ర్యాంకు చేరాడు. బ్యాటింగ్ విభాగంలోనూ మూడు స్థానాలు మెరుగుపరుచుకుని 52వ స్థానంలో నిలిచాడు. ఇక చాంపియన్స్ ట్రోఫీలో తిరుగులేని ఆధిపత్యం ప్రదర్శించి చాంపియన్‌గా నిలిచిన టీమిండియా తన అగ్రస్థానాన్ని బలోపేతం చేసుకుంది. 119 రేటింగ్ పాయింట్లతో సిరీస్‌లో అడుగుపెట్టిన భారత్.. ఈ విజయంతో 123 రేటింగ్ పాయింట్లు సాధించి ఎవరికీ అందనంత ఎత్తుకు చేరుకుంది. ఇక 113 పాయింట్లతో ఇంగ్లండ్, ఆస్ట్రేలియా వరుసగా రెండు, మూడు స్థానాల్లో నిలిచాయి. బౌలింగ్ విభాగంలో అశ్విన్ టాప్-10లో తన స్థానా న్ని తిరిగి దక్కించుకున్నాడు. ఏకంగా ఆరు స్థానాలు ఎగబాకి తొమ్మిదో స్థానాన్ని సంపాదించాడు. ఇదే విభాగంలో భువనేశ్వర్ కుమార్, ఇషాంత్ శర్మ వరుసగా 49, 51వ స్థానాల్లో నిలవగా, వెస్టిండీస్ స్పిన్నర్ సునీల్ నరైన్ అగ్రస్థానాన్ని కొనసాగిస్తున్నాడు. బ్యాటింగ్ విభాగానికొస్తే కోహ్లీ మూడో స్థానాన్ని నిలబెట్టుకోగా, ధవన్ 21 స్థానాలను మెరుగుపరుచుకుని 29వ స్థానాన్ని సాధించాడు. అయితే ధోనీ మాత్రం ఒక స్థానం కోల్పోయి ఐదో స్థానంలో నిలిచాడు.