సైనా నెహ్వాల్ కి మరో ఓటమి

Posted: 06/22/2013 03:06 PM IST

భారత బ్యాట్మింటన్ స్టార్ సైనా నెహ్వాల్ ఈ మధ్య వరుస పరాజయాలతో దూసుకుపోతుంది. ఈ ఏడాది ఒక్క టైటిల్ కూడా సాధించకుండా ఉండటమే కాకుండా, తన పేవలమైన ఆట తీరుతో అన్ని టోర్నమెంట్లలో తన పోరాటాన్ని ముగిస్తుంది. తాజాగా జరుగుతున్న సింగపూర్ ఓపెన్ సిరీస్ టోర్నమెంటులో క్వార్టర్ ఫైనల్లోనే ఈమె పోరాటం ముగిసింది. శుక్రవారం జరిగిన క్వార్టర్ ఫైనల్ మ్యాచ్‌లో సైనా 21-17, 13-21, 13-21తో ప్రపంచ 14వ ర్యాంకర్ లిందావెని ఫనెత్రి (ఇండోనేసియా) చేతిలో పరాజయం పాలైంది. ఇండోనేసియా ఓపెన్‌లో ఫనెత్రితో ఆడిన తొలి రౌండ్ మ్యాచ్‌లో అతికష్టమ్మీద నెగ్గిన సైనా ఈసారి మాత్రం పరాజయాన్ని తప్పించుకోలేకపోయింది. ఒక దశలో ఇద్దరి స్కోర్లు 3-3వద్ద సమంగా నిలిచాయి. ఈ దశలో ఫనెత్రి చెలరేగి వరుసగా 9 పాయింట్లు సంపాదించి 12-3తో ఆధిక్యంలోకి దూసుకెళ్లింది. అక్కడినుంచి సైనా కోలుకోలేకపోయింది. దీంతో మరో పరాజయాన్ని మూటగట్టుకొని అభిమానుల్ని నిరాశ పరిచింది.