శ్రీనివాసన్ ఒత్తిడితోనే...

Posted: 06/03/2013 09:47 AM IST

ఐపిఎల్ స్పాట్ ఫిక్సింగ్ కేసు రోజు రోజుకు రసవత్తరంగా మారుతుంది. ఇప్పటికే ఈ వ్యవహారంలో అనేక మలుపులు తిరుగుతుంటే తాజాగా ఈ వ్యవహారానికి సంబంధించి పంజాబ్ క్రికెట్ అసోషియేషన్ అధ్యక్షుడు బింద్రా బాంబు పేల్చాడు. శ్రీలంక పర్యటనలో భారత ఆటగాడు హోటల్లో అమ్మాయితో గడిపాడని, దీనికి సంబంధించిన వీడియో క్లిప్పింగుతో సహా ఐసీసీకి, బీసీసీఐకి సమర్పించాడు. 2010లో శ్రీలంక పర్యటన జరిగినప్పుడు ఎల్‌టిటిఈ ఆపరేషన్ నేపథ్యంలో భారత క్రికెట్ జట్టుకు ప్రత్యేక భద్రతను ఏర్పాటు చేసిందని, క్రికెటర్లు బస చేసిన హోటల్లోని ప్రతి ఫ్లోర్‌లో సిసి కెమెరాలు ఏర్పాటు చేశారని చెప్పారు. ఈ సమయంలో ఓ యువతి ఓ భారత క్రికెటర్ ఆటగాడి గదికి వెళ్లిందన్నారు. ఆ ఆటగాడు చెన్నై సూపర్ కింగ్స్ జట్టుకు ఆరు సీజన్‌లలో ఆడుతున్నాడని చెప్పారు. ఆ రాత్రి ఆమె హోటల్ గదిలోనే ఉందన్నారు. ఆ యువతికి బుకీలతో సంబంధాలు ఉన్నాయని అనుమానం వ్యక్తం చేశారు. బీసీసీఐలోని ఒక అధికారి ఒత్తిడితో లంక బోర్డు ఆ రిపోర్టును వెనక్కు తీసుకుంది. ఇది పూర్తిగా అవినీతి నిరోధక నిబంధనావళిని వ్యతిరేకించడమే. దీనిలో దీనిలో శ్రీనివాసన్ పాత్ర ఉంద'ని బింద్రా తీవ్ర ఆరోపణలు చేశాడు. ఆటగాళ్ల ప్రవర్తనను అప్పుడే నియంత్రించి ఉంటే ఇప్పుడీ ఈ పరిస్థితి ఉండేదికాదని అభిప్రాయపడ్డారు.