సహారా గ్రూపు తప్పుకుంది

Posted: 05/22/2013 10:39 AM IST

ఐపీఎల్ ఆట అంటేనే వివాదాల పుట్టగా, స్పాట్ ఫిక్సింగ్ కి నిలయంగా మారింది. ఇప్పటికే అనేక నిందలతో సమమతం అవుతున్న దీనికి ఇఫ్పుడు మరో షాక్ తగిలింది. భారత జట్టు స్పాన్సర్, ఐపీఎల్ పూణె జట్టు ఫ్రాంచైజీకి ఓనర్ అయిన సహారా ఇండియా గ్రూప్ ఐపీఎల్ నుండి తప్పుకుంటున్నట్లు ప్రకటించింది. దీంతో పూణె వారియర్స్ జట్టు పరిస్థితి అగమ్యగోచరంగా తయారయింది. తాము ఐపీఎల్ నుండి తప్పుకోవడానికి బీసీసీఐ కారణం అంటూ ఓ ప్రకటనను విడుదల చేసింది. సహారా గ్రూపు ఏడాదికి రూ. 170.20 కోట్లు బోర్డుకు సహారా చెల్లించాల్సి ఉంది. అయితే ఈ ఫీజును సకాలంలో చెల్లించలేదంటూ ఆరోపిస్తూ బీసీసీఐ, తమ వద్ద ఉన్న సహారా బ్యాంక్ గ్యారెంటీనుంచి ఆ ఫీజు మొత్తాన్ని తీసుకోవాలని నిర్ణయించింది. దీనిపై అసంతృప్తి వ్యక్తం చేస్తూ సహారా... ఐపీఎల్‌నుంచి తప్పుకోవాలని నిర్ణయం తీసుకుంది. గత ఏడాది ఫిబ్రవరిలో కూడా ఇదే తరహాలో బీసీసీఐ, సహారా మధ్య వివాదం ఏర్పడగా...చివరకు ఇరు వర్గాలు రాజీ పడ్డాయి. తాజా నిర్ణయం వల్ల పుణే జట్టులో ఆటగాళ్లు, వాటాదారులకు ఎలాంటి ఇబ్బంది కలగకుండా చూస్తామని, వారికి పూర్తి స్థాయి మొత్తాలను చెల్లిస్తామని సహారా స్పష్టం చేసింది. దీంతో పాటు భారత క్రికెట్ జట్టు స్పాన్సర్ షిప్ నుండి కూడా తప్పుకుంటున్నట్లు తెలిసింది.