పోలార్డ్ ఒంటి చేత్తో గెలిపించాడు

Posted: 05/14/2013 12:34 PM IST

ఐపీఎల్ పొట్టి క్రికెట్ లో ఏ క్షణాన ఏమి జరుగుతుందో చెప్పలేం. ఎప్పుడు ఏ బ్యాట్స్ మెన్ సిక్స్ ల మోత మోగించి, పరుగుల వరద పారిస్తాడో తెలియదు. ఓడి పోతుందనుకున్న మ్యాచ్ ని ఒంటిచేత్తో ఎవరు గెలిస్తారో తెలియదు. సరిగ్గా పై పరిణామాలన్నీ నిన్న రాత్రి సన్ రైజర్స్ హైదరాబాద్, ముంబై ఇండియన్స్ మధ్య జరిగిన మ్యాచ్ లో కెరన్ పోలార్డ్ ఆవిష్క్రతం చేసి అందర్ని ఆశ్చర్య పరిచాడు. ఒక దశలో ముంబై సొంత మైదానంలో ఓటమి పాలవ్వక తప్పదనే ఆలోచనకు వచ్చారు. 24 బంతుల్లో 64 పరుగులు చేయాలి. అప్పటి వరకు 10 బంతులు ఎదుర్కొని 9 పరుగులతో క్రీజ్ లో ఉన్న పోలార్డ్ సిక్స్ ర్ల వర్షం కురించాడు. దీంతో అంత పెద్ద లక్ష్యం క్షణాల్లో చిన్నపోయింది. 12 బంతుల్లో 20 పరుగులకు వచ్చింది. పెరీరా, మిశ్రా బౌలింగ్ ను పోలార్డ్ చితక్కొట్టాడు. దీంతో మరో మూడు బంతులు మిగిలి ఉండగానే ముంబై జట్టు విజయతీరాల్ని చేరుకుంది.  లేకలేక సన్‌రైజర్స్‌ చేసిన అత్యధిక స్కోరు (178) ఇది. అయినా కూడా పొలార్డ్‌ జోష్‌ముందు ఆ లక్ష్యం నిలువలేకపోయింది.

విజయ లక్ష్యాన్ని ఛేదించేందుకు బరిలోకి దిగిన ముంబైకి స్మిత్‌ (21)తో జత కలిసిన సచిన్‌ (38) తొలి వికెట్‌కు (రిటైర్డ్‌ హార్డ్‌) 26 పరుగులు జత చేశాడు. అనంతరం రినేష్‌కార్తిక్‌ 30 పరుగులు చేయగా.. ఆఖరు వరకు క్రీజ్‌లో నిలిచిన రోహిత్‌ శర్మ 20 పరుగులు చేశాడు. టాస్ గెలిచి తొలుత బ్యాటింగ్‌ ఎంచుకున్న సన్‌రైజర్స్‌ ఈ సీజన్‌లోనే అత్యుత్తమైన బ్యాటింగ్‌ ప్రదర్శనను కనబర్చింది. అందకు ప్రతి ఫలంగానే నిర్ణీత 20 ఓవర్లలో 178 పరుగులు చేసింది. ధావన్‌ (59) తొమ్మిదితో కలిసి శుభారభం చేసిన పటేల్‌ తొలి వికెట్‌కు 38 పరుగులు నమోదు చేశారు. ధావన్‌, విహారీ నిష్ర్కమణ తర్వాత బ్యాటింగ్ కు దిగిన వైట్‌ ఆఖరు వరకు అజేయంగా నిలిచి కేవలం 23 బంతుల్లో 43 పరుగులు చేసి జట్టు స్కోరును 178 పరుగులకు చేర్చాడు. మ్యాన్ ఆఫ్ ద మ్యాచ్ పోలార్డ్ కు దక్కింది. ఈ ఓటమితో సన్ రైజర్స్ ప్లే ఆఫ్ టోర్నీ అర్హతను సంక్లిష్టం చేసుకుంది.