ప్లే ఆఫ్ బెర్త్ ఖాయం చేసుకున్న రాజస్థాన్

Posted: 05/10/2013 11:50 AM IST

ఈ సీజన్ లో మంచి విజయాలు సాధిస్తూ వస్తున్న రాజస్థాన్ రాయల్స్ నిన్న పంజాబ్ కింగ్స్ లెవన్ పై విజయం సాధించి ప్లే ఆఫ్ బెర్త్ ను ఖాయం చేసుకుంది. పంజాబ్ 8 వికెట్ల భారీ తేడాతో గెలిచింది. మొదట బ్యాటిగ్ చేసిన పంజాబ్ నిర్ణీత 20 ఓవర్లలో 145 పరుగుల్ని ఆరు వికెట్లు కోల్పోయి చేసింది. పంజాబ్ బ్యాట్స్ మెన్స్ లో షాన్‌ మార్ష్‌ ఆదుకున్నాడు. 64 బంతుల్లో 6 బౌండరీలు సాధించిన మార్ష్‌ వ్యక్తిగత 77 పరుగులు నమోదు చేయగా.. అంతకు ముందే గిల్‌క్రిస్ట్‌ 42 పరుగులు చేసి పెవీలియన్‌కు చేరాడు. రెండో వికెట్‌కు 101 పరుగుల భాగస్వామ్యాన్ని నమోదు చేసిన ఈ జోడీ పంజాబ్‌కు గౌరవప్రదమైన స్కోరు సాధించిపెటింది. పంజాబ్‌ విసిరిన 146 పరుగుల విజయ క్ష్యాన్ని కేవలం రెండు వికెటు కోల్పోయి ఛేదించిన రాజస్థాన్‌ 19 ఓవర్లలోనే మ్యాచ్‌ని ముగిం చింది. ఆరంభంలో తడబడి ద్రావిడ్‌ (4) వికెట్‌ను కోల్పోయినప్పటికీ యువ బ్యాట్స్‌మన్‌ అజయెంకా రహనే (59; 49 బంతుల్లో 3 ఫోర్లు, 3 సిక్స్‌లు), అనుభవజ్ఞుడైన షేన్‌ వాట్సన్‌ (31; 25 బంతుల్లో 3 ఫోర్లు, ఒక సిక్స్‌) రెండో వికెట్‌కు 66 పరుగుల భాగస్వామ్యాన్ని నమోదు చేసి ఆదుకున్నారు. జట్టు స్కోరు 66 పరుగుల వద్ద రెండో వికెట్‌గా వాట్సన్‌ (31) వెనుదిరిగిన తర్వాత సామ్‌సన్‌ (47)తో జత కలిసిన రహనే ఆఖరి వరకు ఇన్నింగ్స్‌ను కొనసాగించి మరో ఓవర్‌ మిగిలి ఉండగానే రాజస్థాన్‌ను విజయతీరాలకు చేర్చాడు. వీరిద్దరు కలిసి 76 పరుగులతో మరో భారీ భాగస్వామ్యాన్ని నమోదు చేశారు.