ఢిల్లీ ఓడింది మళ్ళీ మళ్ళీ

Posted: 05/08/2013 12:00 PM IST

ఈ సీజన్ లో అంత్యంత ఫేవల ప్రదర్శన చేస్తూ, అప్పుడప్పుడు అనూహ్య విజయాలు సాధిస్తున్న ఢిల్లీ జట్టు రాజస్టాన్ రాయల్స్ తో జరిగిన మ్యాచ్ లో మళ్ళీ ఓటమి పాలైయింది. ఆ మధ్యలో ముంబయి జట్టు పై, మొన్న కోల్ కత్తా పై విజయాన్ని నమోదు చేసుకొని గాడిలో పడిందనుకున్న ఈ జట్టు హైదరాబాద్ పై, రాజస్థాన్ పై వరుస ఓటముల పాలైంది. ఇప్పటి వరకు మూడు మ్యాచ్ ల్లో మాత్రమే విజయం సాధించి ఇంటి దారి పట్టడానికి సిద్ధమైంది. నిన్న జరిగిన మ్యాచ్ లో రాజస్థాన్ పై ఘోర పరాజయాన్ని మూటగట్టుకుంది.. ఈ మ్యాచ్ లో  డేర్‌డెవిల్స్‌ 9 వికెట్ల తేడాతో ఘోర పరాభవాన్ని చవిచూసింది. ఓపెనర్‌ జయవర్ధనే బాధ్యతాయుత ఇన్నింగ్స్‌తో వ్యక్తిగత 34 పరుగులు నమోదు చేయగా.. సెహ్వాగ్‌ మరోసారి విఫలమై 11 పరుగులకే పెవీలియన్‌కు చేరాడు. అనంతరం మురళీధరన్‌ గౌతమ్‌ (2), డెవిడ్‌ వార్నర్‌ (13) తక్కువ పరుగులకే చేతులెత్తేశారు. దీంతో కేలవం 153 పరుగులు మాత్రమే చేయగలిగింది.

ఢిల్లీ నిర్ధేశించిన 154 పరుగుల విజయ క్ష్యాన్ని రాజస్థాన్‌ జట్టు కేవలం 1 వికెట్‌ కోల్పోయి ఛేదించింది. రహనేతో కలిసి ఇన్నింగ్స్‌ ప్రారంభించిన మిస్టర్‌ డిఫెండబుల్‌ రాహుల్‌ ద్రవిడ్‌ (53; 48 బంతుల్లో 7 ఫోర్లు) తొలి వికెట్‌కు 108 పరుగుల భాగస్వామ్యాన్ని నమోదు చేశాడు. అతనికి పూర్తిగా సహకరించిన రహనే కేవలం 45 బంతుల్లో 4 ఫోర్లు, 1 సిక్స్‌ సాయంతో 63 పరుగులు నమోదు చేసి అజేయంగా నిలిచాడు. రెండో వికెట్ గా బరిలోకి దిగిన వాట్సన్‌ రహనేతో పాటు బ్యాట్‌ ఝులిపించి కేవలం 14 బంతుల్లో 28 పరుగులు చేసి అజేయంగా నిలిచాడు. దీంతో మరో 13 బంతులు మిగిలి ఉండగానే 155 పరుగుల స్కోరు సాధించిన రాజస్థాన్‌ 9 వికెట్ల తేడాతో ఢిల్లీపై ఘన వియాన్ని నమోదు చేసుకుంది.