సన్ రైజర్స్ ను గెలిపించిన శిఖర్ ధావన్

Posted: 05/01/2013 08:41 PM IST

హైదరాబాద్ సన్ రైజర్స్ జట్టు పటిష్ట జట్టుగా పేరున్న ముంబయి ఇండియన్స్ ని చిత్తు చేసింది. ఐపీఎల్ లీగ్ మ్యాచ్ లో భాగంగా నేడు రాజీవ్ గాంధీ ఇంటర్ నేషనల్ స్టేడియంలో జరిగిన మ్యాచ్ లో సన్ రైజర్స్ ముంబయి ఇండియన్స్ జట్టును ఏడు వికెట్ల తేడాతో ఓడించింది. టాస్ గెలిచి బ్యాటింగ్ ఎంచుకున్న ముంబయి జట్టు తడబడుతూ బ్యాటింగ్ చేసింది. కేవలం నాలుగు వికెట్లే కోల్పోయినా, 130 పరుగుల విజయ లక్ష్యాన్నే హైదరాబాద్ ముందు ఉంచింది. ఈ లక్ష్యాన్ని ఛేదించడానికి బరిలో దిగిన సన్ రైజర్స్ జట్టు 130 పరుగుల లక్ష్యాన్ని 12 బంతులుండగానే 3 వికెట్లు కోల్పోయి చేరుకుంది. సన్ రైజర్స్ జట్టులో ఓపెనర్ శిఖర్ ధావన్ అత్యధికంగా 55 బంతుల్లో  73 పరుగులు చేసి జట్టును గెలిపించాడు. విహారీ 25, కెప్టెన్ సంగక్కర 21 పరుగులు చేసి అవుటయ్యారు. మ్యాన్ ఆఫ్ ద మ్యాచ్ అవార్డు ధావన్ కి దక్కింది. ముంబయి బౌలింగ్ లో జాన్సన్, కులకర్ణి, హర్బజన్ తలో వికెట్ తీసుకున్నారు.