Posted: 02/05/2013 03:38 PM IST

మ్యాచ్ ఫిక్సింగ్ కేసులో జీవితకాలం నిషేదానికి గురైన మాజీ కెప్టెన్ అజహరుద్దీన్ పై ఆంధ్రప్రదేశ్ హైకోర్టు నిషేదాన్ని ఎత్తివేసిన విషయం తెలిసిందే. నిషేద అనంతరం రాజకీయాలల్లోకి వెళ్లిన అజహరుద్దీన్ మనస్సు ఇప్పుడు మళ్లీ క్రికెట్ పై పడినట్లు ఉంది. లండన్ స్కూల్ ఆఫ్ ఎకనామిక్స్ విద్యార్థుల కోసం లార్డ్స్‌లో నిర్వహించిన భారత్-పాక్ ఫ్రెండ్లీ మ్యాచ్‌కు అజహర్ ముఖ్య అతిథిగా హాజరయిన ఆయన మాట్లాడుతూ... తన మనస్సులోని కోరికను భయటపెట్టాడు. తాను భారత క్రికెట్ జట్టుకు కోచింగ్ ఇవ్వాలనే కోరిక ఉందని, యువకులతో నా అనుభవం పంచుకోవాలని భావిస్తున్నాను. క్రికెట్‌తో మళ్లీ అనుబంధం కొనసాగించాలని ఉంది. నన్ను ఏ రకంగా ఉపయోగించుకోవాలనేది బీసీసీఐ ఇష్టం ’ అని అజహర్ వ్యాఖ్యానించాడు. ‘నేను కోచింగ్ ఇచ్చే విషయంపై నిర్ణయం తీసుకోవాల్సింది బోర్డే అనిమొరాదాబాద్ ఎంపీగా ఉన్న ఈ మాజీ కెప్టెన్ వెల్లడించాడు. మరి అజహర్ కోరిక తీరుతుందో లేదో చూడాలి.