Posted: 01/23/2013 08:07 PM IST

భారత జట్టు ఇటీవలే ఐసీసీ వన్డే ర్యాంకింగ్ లో మొదటి స్థానాన్ని కైవసం చేసుకున్న విషయం తెలిసిందే. ఆ నెం.1 స్థానానికి తగ్గట్లే నేడు మొహాలీలో ఇంగ్లాండ్‌తో జరుగుతున్న నాలుగో వన్డేలో తన ఆటను ప్రదర్శించి, 5 వికెట్ల తేడాతో  విజయం సాధించడమే కాకుండా, మరో వన్డే మిగిలి ఉండగానే సిరీస్ ని కైవసం చేసుకొని ఇంగ్లాండ్ పై ప్రతీకారం తీర్చుకుంది. భారత్ 47.3 ఓవర్లలో 5 వికెట్ల నష్టానికి 258పరుగులు చేసి విజయం సాధించింది. రైనా 89 పరుగులు, జడేజా 21 పరుగులు, ధోని 19 పరుగులు, రోహిత్ శర్మ 83 పరుగులు, కోహ్లీ 26 పరుగులు ఇలా అందరూ సమిష్టిగా రాణించారు.

మొదట బ్యాటింగ్ చేసిన ఇంగ్లాండ్ ఏడు వికెట్ల నష్టానికి 257 పరుగులు చేసింది. భారత్ ముందు ఇంగ్లండ్ 258 పరుగుల లక్ష్యాన్ని నిలిపింది. ఇంగ్లాండ్ బ్యాట్స్ మెన్స్ లో కుక్ 76, పీటర్సన్ 76, రూట్ 57 పరుగులతో రాణించారు.  భారత బౌలర్లు జడేజాకు మూడు వికెట్లు, ఇశాంత్, అశ్విన్‌కు రెండేసి వికెట్లు దక్కాయి. తొలత టాస్ గెలిచి ఫీల్డింగ్ ఎంచుకున్న టీంఇండియా బౌలర్లు మ్యాచ్‌లో చెలరేగి ఆడారు.